Kay Carmen García Gaibor kamachiy killkak, muyuy yachayta anchuchinka llankayta rurarka.
Chayta rurankapa shuk yachayta rurarka. Ashtawankarin kay llankayta Comisión de Educación tantari willayta killkashpa pushakun.
Kaytami ishkaykutin LOEI kamachiy allichirishpa Mamallakta Tantakuy atinakuyman yaykurichun allichiriinka.
Manarak atikuyman pushashpa imashina kay muyuy yachayta kamashkata, awllishkata kamaykushpa tiksi yuyaykunata churashpa yachay llakita allichinkapa rikuykunata, yuyaykunta churanka, shinapash ña shuk yuyaytalla hapishpa arininkapa chayrak yachay kamachikkuna, yachachikkuna allichirikun nishpa riksichirka.
Kay Luis Ochoa, yachana ñanta rurak, 140 saywashka yachay ukuta, 1134 muyuy yachayta mana ñitirishka, hawalla yachayman yaykurina kachun nishpa kachun nishpa wallpashka kan nishpa riksichirka, shina tukuylla yachayta ayllullaktaman chayachinkapa nirka, shina llaktakunapi Yachay Kamaywasi llaktayukkunapak ñawpakpi rikurichun yuyashpa rurashkami kan nirka.
Tayta William Rosero, Red de Maestros yachak tantarimanta shamuk, kullki illlashkamanta yachay muyuy paypak yuyayta kunankama mana paktachishka nirka, shina saywashka yachay ukuwan mana mukuyashpa llankashka nirka, paklla yachakuna tantarichun yachayta ashtawan alli yachakukkunaman chayachichun yanapan mana tiyarka nishpa willarka.
Kamachik, Kléver Hidalgo, UNE Pichincha tantarimanta shamuk muyuy yachayka, yachaymanta kamay llakita, kullki llakita mana allichishka nishpa riksichirka, ashtawankarin llaktay llankayta, shuktak yuyayta charik yachachikkunata katinata rurarka nishpa willarka, payka Ministerio de Educación kamaywasi kay llakikunata allichichun kayarka.
Tukuripika, Remigio Hurtado, Confederación Nacional de Servidores Públicos Hatun Killkakamayuk, payka muyuyyachaypi llankak yachachikkuna, saywashka yachay ukuman yakllichun, chaypi paykunapak alli yachayta hapishkawan llankachun, paypak llaktapak uchilla suyupi saywashka ukuta wallpachun, chaypi llankachun mañarka.
MG/cz/jc-kichwa
