Kaya puncha, 10h00 tantari, Karina Arteaga Muñoz kamachiy killkak pushashka, kimsa kamachiykunata mushukyachinkapa rimay kallarinka.
Kay kamachiykunata Consejo de Administración Legislativa (CAL) rikushpa arinishkami kan, kay kamachiykunata imashina killkashkata, ima yuyayta charishkata kamachiy killkakkuna riksichinka..
Kay Seguridad Social kamachiyta allichinka, chayka, Instituto Ecuatoriano de Seguridad Social kamaywasi achiklla llankachun, paypak kamaywasikuna allita llankachun yanapachun yanapanka.
Chaymanta llaktayukkuna chay kamaywasiman chayarishpa llakta ushayta paktachichun pushanka. Tukuripika Para la Defensa de los Trabajadores del Sector de Seguridad y Vigilancia kamachiyta allichinka; Homologación de Licencias y Permisos de las y los Trabajadores en General kamachiyta llankanka. Kay kamachiykunataka Roberto Gómez, Mariano Zambrano Israel Cruz kamachiy killkkakkuna churashkami kan.
Shinami, Defensa de los Trabajadores del Sector de Seguridad y Vigilancia kamachiyta atinakunkapa, Carlos Cisneros, llankay yachakta; Diego Arroyo, Federación Nacional de Trabajadores de la seguridad privada del Ecuador yanapakta; Iván Bastidas, Consejo Nacional de Servidores Públicos pushakta chaskinka, paykuna imashina kay kamachiy alli mushukyachun yuyaykunata churanka.
Manarak kay kamachiykunata rimanakuyta kallarishpa, Mamallakta Tantanakuypi Ana Julieta Rodríguez Núñez llankakunapak kuyashka ayllukuna, Covid-19 hatun unkuywan wañushkamanta shuk nanari napayta chayachinka, sakirik ayllukuna mashi kashkamanta yanapay yuyarita arinka.
RSA/cz/jc-kichwa
