Kay Comisión de Régimen Económico, Franco Romero Loayza, kamachiy killkak Contratación Pública kamachiyta alli killkankapa mushuk yuyaykunata hapirka.
Kay yuyaykunata sinchiyachinkapa tantariman chayak kamachikkuna kay kamachiyta allichina, alli nikikunata mana anchuchina nirka.
Kallaripika, Absalón Campoverde, kamachiy killkak rimarka, paymi kamachiypak 2, 49, 69 allichichun mañarka.
Shinallatak 2 nikipimi akllashka llikata riman, achka kamaywasikuna kay nikita upallalla hapishpa llakita rurashka, chaymanta 3, 5, 7, 9 yupaykunata anchuchun mañarka, kipaman llankakkunata kamachiy rimashkawan hapina kanka nirka.
Kipaman, José Román, Empresa Plásticos Rival llankakwasita pushak kamachik rimarka, payka Mamallakta Tantanakuypak minkashkata kay Contratación Pública Kamachiyta alli paktachichun mañarka, tawkakutinmi ista llaktakunapak kapukkunata rantimun, Ecuador llaktapi rurashka kapukkunata manyaman sakin nishpa rimarka.
Chay hawa, Juan Aguirre, Sercop kamaywasita pushak, Kamachiypak 3 nikika mana llakichun kan nirka, kay nikipika istallaktapak kullkiwan, Ecuador llaktapak kullkiwan llankanatami riman nirka, llakikunaka hatun llankaykunata rurankapa yuyartinapimi llaki tiyan, chaypimi Mamallaktapak katukkuna kapukta chayachina kan, rimarka.
Tukuchinkapa, Pablo Oswaldo Dávila hatun yachak, imashinami akllashka llankaypi, llakikuna tiyakpi kutsik kallpay llankay yuyarita charinkapa Contratación Pública llankayta rurana kachun tiyana kan nirka, kamachiytaka kawsashka yachaywanlla mana killkana, shuktak kamachiykunawan kimirishpa Mamallaktapak alli kachun llankay yuyarita rurana nirka.
EG/cz/jc-kichwa
