Kay Noralma Zambrano, kamachiy killkak pushashka ukupi Evaluación Educativa Integral llankayta pushanka. Chay rimanakuypi kak kamachikkuna chay yuyaywan karka.
Yachay ayllullakta chaypi kachun mañarka, kipaman alli yachay llika kachun mañarka. Yachaypak kullkita hatun kamachikkuna ama pitichun harkana nirka.
Yachay minkashka kay Educación Intercultural (LOEI) kamachiyta mushukyachinaka punchanta llankashpa katimun, chayman kamachikkunawan, runakunawan, yachak amawtakunawan atinakushpa yuyaykunata, rikuykunata hapishpa kamachiyta ishkaykutin atinakuyman yaykurichun allichimun, nirka.
Yachayka Mamallakta kawsayta kuyuchichun shunkumi kan nirka, wawakunakuna, imillakuna alli yachayta hapina hayñitami charin, Zambrano kamachy killkak rimarka, payka Santa Elena markamanta kamachiy killkakkmi kan, yachaypak, allikawsaypak kullkita imamantapash kichuna mana kanchu nirka.
Tayta, German Flores, Universidad Nacional de Educación (UNAE) sumak yachanawasimanta amawta yachakka, kawsaypura yachayta charichun runakunata wallpana allimi kan nirka, chayka Buen Vivir ukupimi kana kan nirka, kawsaypura yachayta charishpami wakinka, ukuman wakin runakuna hawaman kawsayta churachun yanapanka.
Tayta, Miguel Herrera, Universidad Simón Bolívar sumak yachanawasimanta, yachayta kamaykuchun yuyaywan karka, yachayta kamaykuna ukupimi runakuman allichashka, ayllullakta ashtawan yanapashka yachaykuna wawakuna, pakta runakuna, taytamankuna, alli yuyayta hapishpa, imashina llankaykunata yanapashka, chayta rikunka.
Kay Red de Maestros tantarimanta, Gina Touma, yachayta kamaykunaka runakunapak awllina ukupi kachun, llaktaykuna, taytamamakuna, kamachikkuna, tantarikuna alli kashka, mana alli kashka yuyayta churachun mañarka. Yachachikkuna paykuna yachaypi kamachikkuna yanapshkata rikuchinka, yachakukkunapash imashina, imawan yachachishtaka riksichinka, rimarka.
MG/cz/jc- kichwa
