Mamallakta Tantanakuypak shutipi Kamachik César Litardo Caicedo, Quevedo llakta, Los Rios markapi Kamachiy wasita, kunan puncha kallarichirka.
Chaypimi Participación Ciudadana, Máximo Ramirez pushak karka, Quevedo kiti kipapushak, Karina Miranda, shutipi rimarka.
Chay kamachiy wasika chay llaktapi kawsak runakuna, imashina kamachiy killkashka kashkata riksinka, shinallatak alli kamachiykuna killarichun yuyayta kunka, karumanta tantarikuna rimakta rikisinka, Mamallakta Tantanakuy imashina kamachiykunata arinikta willanka nirka.
Shinami, kiti kipapushk, Karina Miranda, Quedo llaktapi Quevedo llakta Kamachiy wasita kallarichika may mutsurikmi karka nishpa tukuykunaman kushikuyta kurka. Quedo kiti, Los Ríos markapi kawsak runakunata achkata yanapanka nirka, kay llaktamnta hatun kamachikkuna uyachun kaparishun, ñukanchikpak llakikunata, mutsuykunata Mamallakta Tantanakuyman riksichishun nirka.
Shinallatak, Marisol Ayala kunak, Mamallakta Tantakuy llaktapi rikurishkaka llaktayukuna, kamachikkuwan, runakunawan, tantarikunawan makita kushpa llankachun achkata yachachinka nirka. Kay llaktamanta rimashpa alli kamachiykuna killkarichun yuyayta, rikuykunata churanka nirka.
Kay Casa Legislativa uku llankay kallarichun churarka, paywan, Gobierno Autónomo Descentralizado (GAD) Municipal de Quevedo wasiwan shuk llanakayyuyarita killkarka, shinami Casa Legislativa llaktakunawan, kamachikkunawan, tantarikunawan, kamaywasikunawan llankay kallarinka nishpa tukuykuman riksichirka.
Chaymanta Casa Legislativa ukuka punchanta yanapanka, kay Quevedo llaktapi wiñarishkawan 26 Kamachiy wasimi Mamallaktapi tiyan nirka, shinami kay mushuk Kamachiy wasika Quinta ñan, Bolívar ñanpi, kitipak hatun samarina chimpapurapi sakirin nirka.
EA/cz/jc-kichwa
