Kay Comisión de Gobiernos Autónomos tantari, chay Código Orgánico de Organización Territorial, Autonomía y Descentralización (Cootad) kamachiyta allichishpa kati.
Kipaman Mamallakta Hunta Tantarishpa mushuk yuyaykunata churashpa, allichishpa arininka.
Minkashkapak atinakuypika, chay Gobiernos Autónomos Descentralizados (GAD) kamaywasita imashina kullkiwan yanapana hawami atinakuyka karka, shinallatak paypak llankaykuna, ruraykuna, llaktaykuna mayman chayanamanta yapa atinakuyka karka.
Kamachiy killkak Raúl Auquilla, GAD kamaywasi kikinllatak karupi kamchiywan llankanami hatun rimay kan, chay Cootad kamachiy paktana tiksi yuyay kan nirka, chay rimaytami Magda Zambrano kamachiy killkak yanaparka, chayta Gobierno Central hatun kamachik rikunata, kullkiwan yanapanata charin rimarka.
Paymanta, Diego García kamachiy killkak, kikinllatak karupi llankanaka mana Cootad kamahiy rimashkalla kanchu, kay Código de las Finanzas Públicas kamachiypash, Servicio Público Hatun Kamachiypash rimanmi nirka, kamachyta mushukyachinkapa chaytapash rikunami kan, yapa rimarka.
Mama, Wilma Andrade kamachiy killkak, minkashkata Kipapushakka, Cootad kamachiyta allichikpa, Corte Constitucional kamaywasi arinishkata mana llakichinkachun rimarka. Shinami Mamakamachiy nikikunapi rikuchishkata mana pakinka nirka
Mama Mónica Alemán kamachiy killkak rimashkata, Wilma Andrade kamachiy killakak hapirka, paypash alli yuyaywan mirachirka, kay Código de Organización Territorial, Autonomía y Descentralización kamachiypika Mamakamachiyta hapishpa paktakayta churana mana mutsurichun rimarka.
PV/ea/jc-kichwa
