Kay Comisión de Fiscalización y Control Político tantarita minkashkauna kuna punchan 15 sayllata rimanakuyta charinka, chaypimi awllikkuna ishkayniki willay kunankaman paktashkata willanka.
Willashka kipa Comisión de Fiscalización tantari mana chaypilla sakirinka, tawka tapuykunata churanka.
Chay tapuykunata Luis Pachala kamachiyt killkak churanka, minkashka kamachiy killkakkuna karumanta rimashpa willachun mañanka.
Chaymanta Consejo Nacional Electoral, pushak kamachikta killkashpa willachun mañarka, kay 2021 watapak imashina akllarina llankay kashkata rimanka. Chay apuchina pankakuna shuyukunata charikta, ima yuyaykuna, unanchakuna kashkata, kamaykushpa rikunalla kashkata, chay akllay punchakunapi apuchikkuna ima llakita charina, mana charinata willachun mañanka
Çkay Luis Pachala kamachiy killkak rikukpika, kunanpika mama Atamaint hatun kamachik willanata charin nirka, chaypak Reglamento de Inscripción de Candidaturas, Reglamento de Promoción Electoral kamachiy ña arinirishka tiyan nirka, kayta katinka Electoral y de Organizaciones Políticas, Código de la Democracia kamachiy ña llankamun, chay kamachiy imashina rimashkata katishpa llankakushkata willanka, rimarka.
Ashtawan achiklla sakirinkapa, DNAI-AI-0147-2020 de la Contraloría General del Estado kamaywasi willashkata willachun mañarka, chayka Movimientos Nacionales "Podemos", "Fuerza Compromiso Social", "Libertad es Pueblo"; "Justicia Social" llaktay tantarikuna imashina sakirishkata willachun mañarka; sapan tantarikuna imashina allichirishkata, 2021 watapak paykuna imashina llankanata rikuchichun mañanka.
EG/ea/jc-kichwa
