Kay Grupo Parlamentario por los Derechos de las Mujeres tantari rimanakuyta charirka.
Chaypi "La tarea del cuidado durante y pospandemia" hawa achkata tukuykuna rimarka.
Chaypi kashpa rimak warmikuna, llakirishka warmikuna, llankak warmikuna, kullkita mana charik warmikuna paykunapak hayñita ukllashpa llankashkata riksichirka.
Kay hatun unkuy purik punchakuna warmita takaykunapash tiyashka, paykuna 911 kayaykunata rurashka, chay llakipi yanapay mana tiyashka nirka. Kay llakita Mamallakta, hatun kamachikkunami harkankapa, anchuchinkapa ayllukunapi willashpa, yachachishpa, riksichishpa sinchita llankana kan.
Shinallatak, Andrea Encalada, Ciudad Bicentenario pushak, kay Covid-19 hatun unkuyta harkankapa tantarikunata, llakirishka warmikunata yanapanka makita kushkata riksichirka. Chaymanta Ciudad Bicentenario mikunata kits kipita warmikunaman, ayllukunaman, yuyak runakunaman chayachishka, kullkita mana charikkunaman yanapashkamanta kushilla kanchik nishpa willarka.
Paymanta, Jessica Jaramillo, Fundación Contra la Violencia de Niños, Adolescentes y Mujeres tantarita pushak, hatun unkuytamanta, kullikita mana charishkamanta, llankayta mana charishkamanta achka warmikunapak kawsay urmashka nirka, kay llakita kamachikkuna yanapana kan nirka.
Ña tukuchinkapa, Nidya Pesántez, Programa ONU Mujeres hatun yachak, warmikuna wasipi kullkita mana hapishpalla llankakpi llaktakuna hatunyan, chaytami mayhanpash mana riksin, warmikuna llankashpa kullkita hapichun mana yanapan, chaytami Mamallakta yanapanata charin.
SV/ea/jc-kichwa
