Mamallakta Tantanakuyta pushak César Litardo Caicedo, Día Nacional de la República puncha kakpi shuk willayta llaktakunaman kurka.
Shinallatak, llakta runakunaman, kitirunakunaman, kamaywasikunaman Ecuador llakta allichirichun shinchita llankashun nishpa mañarka.
Hatun pushak, paypak rimaypi, Mamallakata covid-19 hatun unkuymanta kullki llakipi kawsakushkata rikischirka.
Chaymanta Ecuador llakta llankaykunapi allichirichun, llakta runakuna, kitirunakuna, kamaywasikuna tantarishpa shuk makilla tukushpa llankana, kutintak kullki mirarichun, shinami ayllullaktakuna, markakuna, kitikuna tarpuykunapi pukuchinapi kutintak hatunyanka nirka.
Mamallakta Tantanakuy, Jaqueline Costales wiñaykawsayta killkak, shuk Matilde Hidalgo warkunata chaskirka; chay Team de la Universidad Nacional de Chimborazo (UNACH) yachanawasika, Pedro Vicente Maldonado al mérito académico warkuta chaskinka, Mamallaktapak yuyaritaka Lorena Freire, por el Festival de los Andes, chaskirka. Shinallatak Alejandra Piedra, Gabriela Castillo, Anderson Auqui, Mateo Lucero, Edisson Suconota warkunata chaskirka.
Kay UNACH, Luis López yachachik, kay warkunawan, yuyarikunawan ñukanchik kitita riksinka may allimi kan nirka, chaymanta achkata kay llaktaman shamuk hatun kamachikkunata, Mamallakta Tantanakuymanta kamachiy killkakkunata yupaychanchik rimarka. Kallari yachakukkuna, pakta yachakukkuna, sumakyachanawasimanta shamukkunata achkata yupaycharka.
Kay, Lourdes Costales killkak, Mamallakta Tantankuypak makimanta Matilde Hidalgo al Mérito Cultural y Educativo warkuta chashkirka. Pay tukuy chaypin kakkunata yupaychashpa yachashka kawsaytarpuyta riksichirka, pay ñawpapachamanta yachamushka, riksimushkata chaypi kak kamachikkunaman, yachachikkunaman willarka.
Paymanta, taripak, amawta María José Endara chay, Pedro Vicente Maldonado al mérito científico, académico y tecnológico warawata chaskirka, shinami hatun warmi rikurirka. Pay tukuykunaman rimashpa kay warawata, yupaychayta chaskinaka yallik watakunamanta yachamushka, taripaykunata rurashpa, ñakarimushpa killkamushkamantami kan nishpa, kutintak kamachikkunata yupaycharka.
Kay Día Nacional de la República punchata aknaytaka Himno a la ciudad de Riobamba hayllita takishpa tukuchirka, chaypimi mashna kamachikkuna, yachakukkuna, runakuna, llaktakuna makita waktashpa, kushiyarishpa anchurirka.
SV/ea/jc-kichwa
