Mamallakta Tantanakuyman INSPI kamaywasi shuk riksita kurka

Miércoles, 16 de septiembre del 2020 - 18:20 Imprimir Elaborado por: Sala de prensa

Kamachik, César Litardo Caicedo Mamallakta Tantanakuyta pushak, Instituto Nacional de Investigación en Salud Pública 'Dr. Leopoldo Izquieta Pérez' hampikwasi shuk riksita kurka.

Payka kamaywasikunata, kamachikkunata yanapashkamanta chay kamarita nakipi charichirka.

Kunan puncha, chay kamarita chayachirka, shinami, Guayaquil llaktapi runakunaman hampikunata, hampi hillaykunata, shina Guayas markapi Mamallakta Tantankuy llaktakunapi, kitikunapi runakunawan, kamaywasikunawan rinakuyta charirka.

Shinallatak César Litardo, Mamallakta Tantanakuyta pushak,  chay Centro de Referencia Nacional de Influenza unkuy tiyak, shuk ancha unkuykuna tiyak wasiman chayarka, chaypimi punchapi 3000 ukuy mallita rurakta rikurka, Ecuador llaktapi Coronavirus unkuy tiyakta riksirka. Chay INSPI kamawasimanta kamachikkuna, sumakrurakkuna, awllikkuna, hampi hillaykunawan llankakkuna chaypi karka. .

Chaymanta, César Litardo, Mamallakta Tantanakuyta pushak,  Humanitaria kamachiy Mamallakta Tantakuy arinirka nishpa riksichirka, hampikkunata yanapashun, shina kullki llakimanta rukushun nirka, chaytami shamuk hunkapi Ministro de Salud kamachik, pay kamachiywan paktashka mana paktashkata willanata charin nirka.

Kay aknay pachapi Mamallakta Tantanakuy chay Instituto Nacional de Investigación en Salud Pública “Dr. Leopoldo Izquieta Pérez” Hatun unkuyta harkankapa punchanta sinchita llankashkata tukuy runakunapak ñawpakpi riksirka.

RC/cz/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador