Kay Comisión de Educación tantarita pushak, Jimmy Candell kamachiy killkak, Ecuador llaktamanta takishpa yanapakkunata riksinkapa shuk yuyarita arinirka.
Shinami paykunaka kullki hayñita, runakuna yanapana hayñita, kawsay tarpuy hayñita Mamallaktapi hatunyachin.
Sapan wata kawsaytarpuyta yuyarina kachun, Mamallakta Tantanakuy kuski killa, Compositor Ecuatoriano 16 punchata arinichun mañarka.
Chay punchapi Carlos Aurelio Rubira Infante hatun takikta yuyarina kachun, paymi Mamallaktata kushiyachishpa yanaparka nirka, shinami tukuykunaman achiklla riksichirka.
Kallaripika, minkashka tantarimi Movimiento Cívico y Cultural Rubira Infante mañayta chaskirka, paykunaka Compositor Ecuatoriano kuski killa 16 punchata arinichun mañarka, Ecuador Mamallaktapak hatun kawsaytarpuyta pushak takikkuna kachun mañarka.
Chay mañayta, Emma Carolina Vásquez, artista y representante del Movimiento Cívico y Cultural Rubira Infante yanaparka, payka Ecuador llaktapi hatun Takikkunapak, llaktakunapak wiñaykawsayta rikuchirka. Chaypimi Lindo Milagro, Chone Lindo takita; Galápagos takita; Venga conozca el Oro takita; Ambato Tierra de Flores takita; Guayaquileño Madera de Guerrero takikunata takishkata riksichirka.
Paymanta, Casa de la Cultura Benjamín Carrión, Camilo Restrepo kamachik, takikuna shunkuta, nunata sinchiyachik Mamallakta Tantanakuy riksishkamanta yupaycharka, chaymanta tinkapi, llikapi, llamapi hatun takikkunata, tushukkunata, arawikkunata hatun yachachishpa riksishkamanta achkata yupaychani, rimarka. Paykunapi Mamallaktapak takina ñankunata purirka nishpa kushiyarirka.
Shinallatak, manarak ishkaykutin atinakuyman yaykurikpi kay Educación Intercultural Hatun Kamachiyta allichinamanta atinakurka, chaypimi kamachiy killkakkuna chay Silvia Salgado kamachiy killkak rikuchishkata riksirka, ashtawankarin Departamentos de Consejería Estudiantil (Dece) ukumanta achkata atinakurka.
Minkashka kamachiy killkakkuna Silvia Salgado churashka yuyaykunata, nikikunata 11 apuchikunawan riksirka, chay Yachay Kamachiyta allichishpa ishkaykutin atinakuyman pushankapa yanapanka nirka. Chaypak shuk kamachiy killkakkuna, tantarikuna, yayamamakunata, yachakkuna, yachakukkuna churashka yuyaykunata hapishapa Mamallakta Tantanakuy atinakuchun churanka.
RSA/cz/jc-kichwa
