Kay Comisión de Derechos Colectivos, Jaime Olivo Pallo kamachiy killkak, Comunicación kamachiypak willayta kunan tutamanta allichirka.
Willayta killkakatishka kipa atinakuy kallarirka, Mamallaktapak willaypi kullkita churana, llaktakunaman chayachina yalli rimanakuyka karka.
Tayta, Juan Cristobal Lloret kamachiy killkak shuktak kamachiy killkak churashka yuyaykunata rimarka, llaktakunamanta runakuna yuyayta churashka mana rikurin nirka, chaytami nikikunaman yaykurichun churana rimarka.
Kay Gobiernos Autónomos Descentralizados kamachikkuna paykunapak llankayta willashka chayachun ashalla kullkita churana nirka, chaytami kamachiyka saywanka nirka, shinami Ecuador llaktapi kawsak runakunapak kullkita mana yanka shinata nirka.
Paymanta, Ximena Chactong kamachiy killak, kishpiyrishka rimanamanta willarka, chay yuyaytaka tantaripi rimanakushpa killkashka willaypi killkarishka sakirinka.
Tayta, Jorge Corozo kamachiy killkak. Kay willayta killkashka chayrak allichina kan nirka, chaymanta tukuy yuyaykuna, rikuykuna tiyashkata yaykuchina nirka, “ Mamallakta Tantanakuy rimankushka kachun allichina nirka”, pakta rimarka. Shinallatak Marcela Aguiñaga, Carlos Cambala willayta allichina kachun rikuykunata churarka.
Kamachiy killkakkunapak rikuykunata, yuyaykunata hapishpa Jaime Olivo kamachiy killkak, Mamakamachiymanta mana karuyashpalla kay kamachiytaka llaktakuna willayta charichun allichina, chayta tantaripak killkamayukman kachana, paymi willayman yaykuchinka nirka.
Cz/jc-/jc-kihwa
