Kay Grupo Parlamentario por la Garantía de los Derechos de Niñas, Niños, Adolescentes tantari shuk yachaypi kishpiychikkunapak llankaymi wawakunapak, imillakunapak hayñita ukllanka, kamanka.
Chaymanta paykunapak yachayka may alli kan nishpa chaypi kak kamachiy killkakkunaman riksichirka.
Kay tantarikuna, yachaykuna hatun unkuy purikuk punchakunapimi rikurishka kan. Chayman Mamallakta alli kamchiyta churanata munan nirka.
Sinami, Ángel Sinmaleza kamachiy killkak kay yachaykuna, rimankuykunapi wawakunakunapak, imillakunapak hayñita allichinkanpa Código de la Niñez kamachiyta mushukyachina kan nirka. Wawakunata, imillakunata kunanpi, kaypi rikushpa yanapana kan, chaypak mushuk yuyaykuna alli chayamun nirka..
Kay yuyayta hapishpa, Nicky Bravo, Movimiento Social por la Niñez tantarimanta shamuk, kamaywasikunawan, tantarikunawan makita kushpa, kimirinakushpa llankana alli kan nirka, chaymanta shuktak yachakkuna churashka alli yuyakunawan kamachiyta killkana kan nirka. Mamallakta, kamaywasikuna, tantarikuna runakuna, yachachikkuna, kamachikkuna makita kushpa wawakunaman, imillakunaman paktapakta chayachina nirka.
Kutin, Juan Martín, Tejiendo Redes tantarimanta shamuk, kay yuyayta churaykunaka Código de la Niñez kamachiyta allita killkankapa may allimi kan, kipaman América Latina y El Caribe llaktakunaman paktanka nirka, ashtawankarin wawakunata, imillakunata paykunapak hayñiman chayachun paktachina alli kanka nirka, wawakunata ama llakichichun, ama shuwachun kay kamachiy ñanta kunka, rimarka.
Shinallatak, Martha Pascual, Argentina kishpiychik, kay Mamallaktapak kamachiykunami wawakunata, imillakunata, pakta runakunata yanapankapa achiklla rikuchinata charin nirka, chaymanta paypak Mamallaktapi imashaina uchillakunata kamakushkata riksichirka. Wakukuna imillakuna, pakta runakuna huchata charikpi sinchita mana wanachina rimarka.
Katipika, Cinthya Carrasco, subdirectora Nacional de Justica y Pluralismo del Consejo de la Judicatura kamachik, kishpikkuna uchillakuna pantarishkamanta, huchata charishkamanta, paykunawan rimanakushpa, taytamamawan rimankushpa, huchata sapimanta riksishpa alli ñanpi churana, rimarka.
Shinallatak, Narexy Cedeño, del Movimiento de niños, niñas y adolescentes en Ecuador tantarimanta shamuk, Patricia Segarra, Nivel de la Unidad de Justicia de Familia shukniki kamachik, Ecuador suscribió la Convención de Niños yuyarita killkashkamanta mushuk yuyaykunata tiyan nirka.
Katishpa, Franklin Samaniego, Grupo Parlamentario por la Garantía de los Derechos de Niñas, Niños, Adolescentes y Jóvenes sumak yanapayta kurka, Comisión Ocasional que atiende temas y normas de la Niñez y Adolescencia uchikunata, imillakunata, pakta runakunata hayñita kushpa llankana kanchik rimarka.
RSA/cz/jc-kichwa
