Kay Comisión Ocasional que atiende temas y normas de la Niñez y Adolescencia tantari, karumanta rimashpa, 20 rikuykunata akllarka.
Chayka Gabriela Larreátegui kamachiy killkak, Libro I del Código de Protección Integral de Niñas, Niños y Adolescentes (Copinna) hawa rimarka.
Kay tantarita pushak, shamuk punchakuna kallaripi chachina riksik yachakkunata kayanka, paykuna allita riksichinka.
Wawakunamanta, imillakunamanta rimak 122 nikipi hayñi hawa achkata atinakurka, chaypimi wawakuna, imillakuna ama sinchi kuskakunapi. Ruraykunapi llankanamanta riman, chaytami achkata rimarka, wawakunata imillakunata llankachishpaka kamachiyta pakikushkatamirikuchinka rimarka, shina shuktak runakuna wasipi llankachinka nirka.
Tukuy kamachiy killkakkunami wawakuna, imillakuna ama llankachun harkana nirka, shina Mamakamachiypak 46 nikipi riman nirka, wawakunata llankachishpa kullkita, nimatapash mana kukta, mana kashpa wawakuna kullkita mañachun, kipamanka rukukuna kichuchun harkana, wanachina nirka. 15 watata manarak charik imillakuna llankachun mana sakina, huchata aparichun mana sakina, kaytami kiti kamachikkuna, ayllullakta kamachikkuna harkana kan nirka.
Kay llakikunata Gobiernos Autónomos Descentralizados kamachikkuna rikuchun mañashka kanka. Paykunaka llankaypak rantin, pukllay llankayta wawakunaman, imillakunaman mirachinka nirka. Chay pukllaykunata, samarikunata kari warmi wawakuna pachata charina sayllapimi ruranka, wawakuna pukllakuy pachaka chapak kamachik rikunata charin nirka, chapak kamachikkunami achkata chapanka, rikunka nirka.
Shinallatak, wawakuna, imillakuna paykpak tayta, mama, imillata ama chinkachun kamana kan nirka, chinkashka, pantarishkakuna paykunapak aylluwan tantarichina, yaykuchina hawa tukuykuna atinakurka. Kay llankayta Mamallaktami yanapana kan, kamana, ukllana kan nishpa rikuchirka. Kay sumak yuyaykunapi Comisión Ocasional que atiende temas y normas de la Niñez y Adolescencia tantarika rimachirka, aninichirka.
JLVN/cz/jc-kichwa
