Ya Comisión de Desarrollo Económico tantari, Esteban Albornoz pushashka, 13 kamachiy killkakkuna yanapashkawan Empresas Públicas kamachiyta allichinata kallarin.
Kay yuyaytaka Mamallakta Pushak churashkami kan, minkashkakuna kay llankayta kallaripi churashpa pushanka.
Kamachik, Albornoz, kay llankayta kallaripi churashpa ñawpakman pushana nirka, kay kamachiyka Mamallakta mushuk llankaykunata unipak kullkita mirachishpa llankana nirka.
Chaymanta, pushakuk llankakwasikunaman ama yaykurichun harkan nirka. Kay llankaykunata Ministerio de Finanzas kamachuk Zirma llankaymanta 600 dólar hunu kullkita hapishkata riman, allin llankayta pushachun, sumak mitachita kuchun kutintak kullkita churanka rimarka.
Shinami Fernando Callejas kamachiy killkakka, chay llankakwasita paypak llankaypi kakta katinaka kay kamachiyka may allimi kan nirka, chay riksishpa Contraloría kamaywasiman kachachun mañarka, paymi tukuylla llankakwasikuna imashina kullkita tukuchishkata riksinka nirka, chaymanta mashna kullkiwan llankakukta riksinata mañarka.
Mama, Doris Soliz, kamachiy killkakpak yuyapika ayllupakpi, Mamallaktapi Tukuylla llankakwasikuna, shukpaklla llankakwasikuna imashina llankashkata rikuna kan nirka. Kutin César Rhon, chay Foro Económico tantarita katishpa, Mamallakta, kay 12 watapika, tukuylla llankakwasiman, 44 waranka kullkita kushkata riksichirka, shinapash chay llankakwasita pushakkuna mana allita llankashka nirka. Chaymanta, 21 kamaywasimanta shuway achikta rikuchishka, chay Ecuador llaktapak yana utkumi rikurin nirka.
Chaypak ranti, Rubén Bustamante kamachiy killkak, sapan llankawasikuna mayhantak llaki kashkata riksichina nirka, chaytaka kikin Hatun Kamachikmi rikuchinata charin, willarka. Mushuk hatunllankaykuna kay Hatun Unkuymanta imashina llankaykuna wiñarishkata riksichina kan, chay kipami runakunapak kawsaywan kimirik llankaykunata wiñachina, yapa rimarka.
MG/cz/jc-kcihwa
