Kay Comisión de Educación, 057 yupay rimanakuy, chay 116 yupaywan Instituto Técnico Superior Agropecuario de Manabí hawa rimarka.
Kunanka Escuela Superior Politécnica Agropecuaria Manuel Félix López (ESPAM-MFL) shutita charin.
Chay yachanawasipak hiniti Calceta kitipi tiyachinata yuyarikun, kay yuyayka Teresa Benavides kamachiy killkak churashka kan.
Kamachiy killkak, Jimmy Candell, tantarita pushak, kayta arininkapa iskun apuchita hapirka, chaywan kallari atinakuypak willayta killkachun mañarka, kay willayta shamuk rimanakuypi riksichinka, kipaman maypi yatata churanata tukuy kamachiy killkakkuna atinakunka, kipaman arininka. Ñawpak killaman kipikunata, hillaykunata chayachinka.
Shinallatak, Teresa Benavidez kamachiy killak, ESPAM hatun yachanawasi, 21 wata washamanta paypak llankayta, kamayta, amawta yachachinata allita pushamushka nirka. Shinami Mamakamachypak 355 nikita, 17 nikita paktachin nirka, shinallatak Educación Superior (LOES) kamachiy rimashkata, kamaywasipak uchilla kamachiykunata paktachin, rimarka. Paypak munayka markapi, Mamallaktapi 3400 wamrakunaman yachayta kuna ñanta charin nishpa riksichirka.
Shinami Miryam Félix López, Sumakruyay Hatun yachana wasita pushak, yuyaypika runakuna, llaktakuna, kamaywasikuna yaykurishpa, makita kushpa hatun yachayta pushachun, shina Mamallakta wiñarichun yanapanka. Kay yachanawasi mushukyachishpaka tarpuymanta, wiwata hampinamanta, tarpuyrurayta, riksina yachayta churanka, llaktakunaman yachayta kunka nirka.
Kay rimanakuypillatak, Edwin Moreira Santos, Federación de Estudiantes Politécnicos Agropecuarios de Manabí (Fepam) pushak, kay Escuela Superior hatun yachayawasi, runakunata, ayllukunata yachachina arinishkata charishpa Manabí markapi kawsak runakunapak kawsayta allichishka, ayllukunapak kullki mirarichun kuyu kashka rimarka.
MG/cz/jc-kichwa
