Kay Comisión de Derechos Colectivos tantarita pushak, Jaime Olivo kamachiy killkak, kaya chaska puncha, 10h00 sayllata rimankuyta charishun nishpa willarka.
Chaypimi Comunicación Kamachiyta atinakushun, ishkaykutin atinakupak killkata allichishun, rimarka.
Kamachiy killkakkunaka, willana mitachi kashkata anchuchinka, Kamachiypak 5 nikita anchuchina yuyayta charin, willana yuyayta allichinka, tukuylla llankay willayta, rurayta, rimayta ama yalli kullkita churashpa willanata anchuchinka, willana hillaykuna pakta pakta willachun churanka.
Kay kamachy alli killkarichun 18 kamachiy killkakkuna paylunapak yuyayta churarka, kipaman la Unión Nacional de Periodistas tantari rimashkata, Ministerio de Telecomunicaciones rimashkata, Asociación Ecuatoriana de Radiodifusión Nacional rimashkata, Centro de Estudios Superiores de Comunicación para América Latina rimashkata, Colegio de Periodistas de Pichincha rimashkata uyarka.
Shinalltak, Grupo Convergencia de Medios Alternativos rimashkata, Federación Nacional de Periodistas del Ecuador rimashkata, Servicio Nacional de Contratación Pública rimashkata uyarka. Chay: Romel Jurado, Hernán Reyes, Manolo Escobar, Francisco Herrera Arauz, Eduardo Vivanco, Jorge Cano, runakunapash rimayta charirka, paykunapash Comunicación Kamachiy alli killkarichun yuyaykunata churarka. Kipaman minkashkakuna allichinka, killkata rikuchinka.
JLVN/cz/jc-kichwa
