Kay Educación Intercultural (LOEI) Hatun kamachiyta allichishpa yachanawasikunapi yachakukunata, yachachikkunata, yachay kamachikkunata takay ama tiyachun harkanka.
Shinallatak yachachik tantarikuna ashtawan sinchiyashpa shukpata yachayta, ishkaypata yachayta achkata yanapanka.
Warmi kamachiy Jeannine Cruz, minkashpa kipa pushakpak killkakpak yuyapika, kay yachay kamachiyta ukuman allichishpaka yachakkunata, taytamamata, yanapanka nirka.
Shinallatak, kamachikkunata, llaktayukkunata yaykuchinka, rimarka. Shinallatak tawka yachanawasi ukupi rikurikpi kamachikkuna, yayamamakuna tantarishpa allichinka rimarka. Yachachikkuna llankashkamanta kullkitapash ñapash chayachichinka.
Kamachiykuna achka watata ayllullaktapi yachachishpaka, kipaman pay kawsana kuchulla yachanawasiman yallichinka nirka. Kunankama 10, 15 watata paklla yachanawasipi llankan, paypak ayllu kuchullaman kamachikkuna mana pushamun, chaytami kamachiy rimachun killkana kan rimarka.
Yachanawasipi tiyak Departamentos de Consejería Estudiantil (Deces) ukuka tawkawasi yuyayta charik karikuna, warmikuna yaykurishka kanka, paykunami yachakukkunapak, tayta mamapak, yachachikkunapak llaki tiyashkata allichinka. Ayllullakta yachachikkunata kamanka, yanapanka, yachakukkunawan llaki tiyakpi kasilla allichun kamaciyka mañanka nirka.
Shinallatak yachachina llakita, chay Telecomunicaciones kamachiy allichirichun Mamallakta mañanata charin nirka, ista llankakwasikuna uchilla karu uyarikta charikkuna, katukkuna internet mitachi Mamallaktapak llaktakunaman chayachun ñanta paskanata charin, rimarka. Pakllapi tiyak yachanawasikuna, ayllukuna 16 % patsakrintalla charin. Infocentros ukukunakarin 900 patsaklla tiyan nishpa tukuykunama rikischirka.
MG/cz/jc-kichwa
