Kay Apoyo Humanitario kamachiy paktakushkata rikushpa, Comisión de Desarrollo Económico tantariman yaykurishka kamachiy killkakkuna 11 apuchiwan, Reglamento General uchilla kamachiyta arinirka.
Chaymanta, kaytaka Mamallakta Pushak, kuski killa 29 puncha kachashkami kan njishpa riksichirka.
Kay uchilla Kamachiy hawa, Mamallakta Tantanakuy chay Secretaria General Jurídica de la Presidencia de la República kamachikta kayarka, paymi imashina kay ushilla kamachiyta killkashkata willanka, Mamallakta munashka paktachina, mana paktachina kashkata wikanka.
Shinallatak Mamallakta Tantanakuyta pushak, kamachiy killkakkunata kayachun mañarka, paykunawan imashina Apoyo Humanitario kamachiy llaktakunapi, kitikunatapi, kari warmi runakunawan, tisiku runakuman paktakushkata riksichichun mañanka. Mamallaktapak kamachiyta rikuk kamachikkuna utkashpa allichichun mañarka.
Tayta, Esteban Albornoz, kamachiy killkak, kay uchilla kamachiyka ukumanta allichinami sirin nishpa yuyayta kurka. Kamachiyka 30 punchapi uchilla kamachiy llukshinatami rikuchin nirka, Mamallakta pushak tawka punchakunatami surkunkapa uniyashkata rikuchin. Mamallakta Tantanakuypi surkushka nikikunata churan rimarka.
Shinallatakmi Homero Castanier, Fernando Burbano, Rubén Bustamente, Fernando Callejas, César Rohon kay uchilla kamachiyka achka pantaykunata charin, mana alli nikikuna rikurin nirka, chaymanta kutintak Mamallakta Pushakman tikrachichun mañarka.
Kay Empresas Públicas llankak kamachiyta allichinkapa General de CELEC, Gonzalo Huquillas kamachikta kayarka, payka kay mushuk kamachiy hatun llankakwasikunapak llankayta, kullkita, kawsayta allichinka, lluchankata wiñachishpa katushpa llankakkunapak, chuki llankakkunapak kawsayta, llankayta kullita chayachishpa allichinka nirka.
Tukuchinkapa, Minkashka Tantarika Crisis Bancaria de 1999 kamachiyta arinirka. Kay kamachiyta César Rohon kamachiy killkak churarka, kay kamachiyka runakunata, hatun kullkiyukkunata, rantikkunata yanapanka nirka, chaymanta 28 nikitallami allichina kan nirka, mañashka kullkikunata 20 watapi kullkita tikrachinka nirka.
SV/cz/jc-kichwa
