Kay Comisión de Participación Ciudadana y Control Social tantari Andrés Ormaza yachakta chaskirka, payka Extinción de Dominio hawa achkata yachakmi karka.
Payka kay Mushuk Kamachiymanta achka alli yuyaykunata churarka, shinami tukuykunaman hamutachirka..
Kay Retrospectividad hawa rimayka, yuyaypash Extinción de Dominio kamachiy hawami achka mutsurik kan nirka. Chaymi maymanta charishkakuna rikurimushkata, charimushkata achiklla riksichinka nirka, charishkakunata kichuna, mana sakina rimarka.
Paymanta, Wilson Martínez, kunanka Allpapachapi hatun tantarishpa shuwakunapak makipi taririn rimarka, chaymanta harka kamachiykunata charina kanchik nirka, imashinami Odebrecht llankakwasi Mamallaktapak kullkita shuwan, shina shuktak tantarishka llankakwasikunapash tiyan nirka. Kay Código Penal kamachiy ña mana paktanchu rimarka.
Chaymanta kay Extinción de Dominio kamachiyta utkashpa killkana, allichina, arinina pacha chayamun, chaytami kishpikkuna huchakunata taripashpa huchata charikkunata wanachinka supaychata paypak makipi charin nirka. Shinami Martínez kay kamachiymanta achkata yachak kamachiy killkakkunaman riksichirka. Chaymi runakunapak kawsay kasilla kachun kamanka, nishpaa charirayarka.
Kamachiymanta yachakkuna rimayta tukuchikpi, Mae Montaño kamachiy killkak, tarinapa pacha ashtawan chutarichun mañarka, huchichishkata tarispashka willaykuna, yanapak pankakuna ama chinkarichun kamana nirka. Minkashkaman kimirishka kamachiy killakkuna, shuktak yachakkuna shuktak tapuykunata churarka.
Kay Wilson Martínez yachakka, shuk watami taripankapa mutsurin nirka, shinami kamachiypi killkashka kan, ashallapash kanka, kamaywasikuna kimirishpa taripayta rurachun mañarka. Shuwashkata kutin tarinatami kamachikkuna, runakunapash yachanata charin rimarka, chaymi maypimi shuwashka charishkakuna tiyakukta tarina kanka, rimarka
SV/cz/jc-kichwa
