Kay Economía Circular Inclusiva kamachiyta ishkayniki atinakuypak arinirka

Miércoles, 14 de octubre del 2020 - 15:48 Imprimir Elaborado por: Sala de prensa

Kay Comisión de Desarrollo Económico tantari 10  apuchiwan Economía Circular Inclusiva kamachiy ishkayniki atinakuyman yaykuchun arinirka.

Kamachiytaka Elizabeth Cabezas, kamachiy killkak churashkami kan, llaktakuna, kitikunapi, markakunapi atinakushka kamachiymi kan nirka.

Kay tantarita pushak, Esteban Albornoz kamachiy killkak, llaktakuna, runallaktakuna kamachiy alli killakarichun yuyayta kushkamanta yupaycharka, kipaman kay allichishka kamachiy Mamallakta Tantanakuy ukupi atinakuchun churashun, chaypi kamachiy killkakuna arinichun mañarka.

Warmi kamachiy killkakkuna, Elizabeth Cabezas, Doris Soliz, kay kamachiy tukuy llankakwasikuna, tukuylla kamaywasikunata rikunata charin, chaymi ashtawan allichinaka nirka., chaymi runakunapak kullkita, uchilla kullkiwasikunata rikunka, hatunyachinka rimarka, unipak kullki tiyachun, llankaykuna wiñarichun chaninka, kamanka nirka. Chaymanta kay Economía Circular Inclusiva kullkita hatunyachishpa katinka, rimarka.

Minkashka Comisión de Desarrollo Económico tantari, Empresas Públicas (LOEP) kamachiyta llaktakunaman riksichikushpa, Ricardo Merino, General de Petroecuador pushak kamachik, kay kamachiyta tawka allichinakunami rikurin nirka, chayta  allichina kan nishpa riksichirka, paypash tawka rikuykunata churarka.

Kay kamachiyta Régimen de Contratación, hawa atinakushpa, 38 nikita allishpa kay kamachiyka ashtawan alli llankanka, chayka Directorio de las Empresas Públicas (EP) kamachik pushakkunata, alli runakuna kachun akllanka, alli yuyayta xcharin kamachikkuna, mushuk tiyarikkuna makitan kushpa llankachun kamanka.

Kamachiy killkak, Rubén Bustamante, minkashka kamachiy killakkuna ashtawan allichina nirka, ama shuklla llankaykunata hapichun, llankaykuna am shukpak makipi kachun, tukuylla llankakwasikunapash alli sumakrurakkunata riksichun, ama achka kamachikkunata churashpa llankachun mañarka, chaymi llaktakuna, Mamallaktapash kulkita wiñachinka nishpa yuyayta kurka.

Rimanakuy tukurikpi, rimanakuna patakuta pushak, Esteban Albornoz, kay shamukkunata yupaycharka, `paykuna alli yuyaykunata churashkamanta yupaycharka, shamuk rimankuypika mushuk yuyaykunata churana, shina Mamallakta Tantanakuypak hatun atinakuypi arinichun mañarka.

SV/cz/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador