Rikuk Minkashka Ministra de Gobierno kamachikta llaktay wanachiyta rurankapa katin

Viernes, 16 de octubre del 2020 - 15:13 Imprimir Elaborado por: Sala de prensa

Kay María de Lourdes Cuesta, Amapola Naranjo, Roberto Gómez kamachiy killkakkuna, María Paula Romo Rodríguez, ministra de Gobierno kamachikta llaktay wananchita rurankapa mañarka.

Payka Mamakamachiy, Kamachiy rimashkakunata mana katishpa pakishmanata wanachishka kanka.

Chaytami Comisión de Fiscalización y Control Político tnatri pushak, Elio Peña Ontaneda kamachiy killkak, 15 puncha sirikpi huchachikkunata, huchachishkata kayanka, chaypimi huchata charik mana charikta rikurinka nirka.

Shinami, kay wayru killa, 19 punchami María de Lourdes Cuesta, Amapola Naranjo, Roberto Gómez huchachikkuna imashina llaki kashkata riksichinkapa chayanka. Shinallatak chaypimi María Paula Romo, yallik 2019 wata, 3 punchamanta, 14 punchakama Quito kitipi runakunapak hayñita, hatun kitiki charishkata wakllichishkamanta, runakunata wañuchishkamanta, wawakunapak hayñita pakishkamanta huchata aparinka.

Minkashka wayru killa, 31wacha puncha María Paula Romo, Ministra de Gobierno kamachik rikuchirichun,  Minkashka allichirinka, pay rikurishpami huchachishkamanta picharishpa ukllarinka, anchurishpa sakirinka. Kay 11 puncha ukupimi, Elio Peña llakirishka runakuna, tantarikuna, warmikuna, wawakuna rimachun chaskinka, huchata katik kamachiy killkakkunapash paykuna llakita rikushkata willanka.

Kay sasi killa, 1 punchamanta, 5 punchakama huchachikkuna willashkata, huchachishka rimashkata allita rikushpa chaninka, chay willaykunata killkashpa Mamallakta Tantanakuypak ukuman kachanka. Yuyarinami kanchik, Cuesta, Naranjo, Gómez kamachiy killkakkuna wanachinata mañashka, 47 kamachiy killkakkuna paykuna shuti aspiwan yanapashkami kan nirka, shinallatak yupay kamchiy killkunami Ministra Romo kamachiyta pakishkata rikuchin.

Huchachikk kamachiy killkakkunaka, Tukuylla Kamachik kashpa mana chayamushkamanta llakirin, shinami Seguridad Pública y del Estado kamachiyta pakin nishpa atirirka, Código de Entidades de Seguridad Ciudadana y Orden Público kamachiyka Mamallakta kamanami kan nishpa rikuchin rimarka.

Shinallatak, Comisión de Fiscalización tantariman yaykurishka kamachiy killkakkuna, Ministra de Gobierno María Paula Romo kamachik ñawipura tiyarishpa huchata rikuchisha munashkata mana chaskirka. Elio Peña, Tantarita pushak, shina mañashkamanta, mana shina riman karka, pantami mañan nirka, chaymanta atirishpa killkashpa tikrachisha nirka. Secretaria de Estado mañashkata mana uyashun, chikan kamaywasi kashkata sumaychachishun nishpa kariyarka.

EG/cz/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador