Mamallakta Tantanakuy Minería Chuki Kamachiyta kallari atinakuyta tukuchin.
Kay kamachiytaka Comisión de Biodiversidad yallik killakunamanta allichishpa shamushkami kan.
Shinami, Kamachiywanka chukipi uchilla llankakkunata, paklla llankakkunata yanapanka, chaypak kamachikkuna arininka..
Mamallakta Tantanakuyta pushak, César Litardo Caicedo, kamachiyka Mamallaktapak kullkiwan, llankakkunawan mirarichun may allimi kan nirka. Allpapachapipapsh hatunpi rikurishka llankaymi nishpa paktachirka.
Shinami Mamallakta Tantankuypak ukupi Simón Castro, Cooperativa Mineros Artesanales Cerro Rico de Zaruma tantarita pushashkata chaskirka, payka chay llaktapi chukipi alli llankayta riksichirka, Mamallakataman achkata yanapanchik nishpa riksichirka. Kamachiy rimashkata katishpa churashka kullkita kuna kanchik, rimarka.
Shinallatak Ángel Cuenca, makiwanlla chukita surkuk, Castro pushak rimashkawan kimirirka, patka kamachiy killkakkuna kamachiyta utka arinichun mañarka, mana kamachiy rikukta llankashpaka mana alli kan nirka, ashlla kullkita hapinchik rimarka, makiwanlla chukita surkukkuna Ecuador llaktapi hatun llankakkuna rikunarina kan nirka.
Kay Kamachiyta kamachiy killkakkuna atinakushpaka, hatun chukita llankakwasikuna, uchilla chuki surkuna pachamamata mana wakllichishpa llankachun mañarka, achiklla willaykunata rurachun mañarka. Chukita rikuk hatun Kamachik maypi chukita surkukkunata riksinkapa, llaktayukkuna riksichun willana llikata churachun mañarka.
Kay Sistema Informático de Transparencia sobre la Gestión Minera wiñarinamanta, Senagua kamaywasiwan, Ministerio de Recursos no Renovables kamaywasiwan, Agencia de Regulación y Control Minero kamaywasiwan, Gobiernos Autónomos Descentralizados (GAD kamaywasiwan rimanakuna kachun yuyayta kurka.
Kamachiyka, maypi yaku ñawimanta, lluchka pampakunamanta, wakaychishka Sistema Nacional de Áreas Protegidas pampakunamanta, llaktayukkuna kawsana allpamanta chukita surkuchun harkanka. Chaypak Gobierno Nacional kamachik, Ministerio Sectorial kamachik, Gobiernos Autónomos Descentralizados (GAD) kamachik kamankapa tupukunata churanka.
Kamachiy, Kamachiy kipupi shutirishka punchamanta 180 punchapi, chay Ministerio Sectorial kamaywasi, kunankama chuki llankaykunata kamaykuchun minkashkakuna mañarka, chay kipa maypimi llankakwasikuna chukita surkuchun arinichun mañarka. Shinami kay Registro Minero kipu, Catastro de Minería Artesanal tiyachun tukuri nikipi churana nirka.
SV/cz/jc-kichwa
