Chay Comisión de Régimen Económico tantarika Sistema Nacional de Contratación Pública, kamachiyta kallari atinakuyta rurarka.
Kay kamachiyka charikkuna katuchun, rantichun yanapanka, kullkita achiklla yupachun yanapanka.
Shinallatak Mamallaktaman mashnakullkita hatun kullkita rikuk kamachikkuna churachun ñanta rikuchinka.
Rimanakuna patakuta pushak, Franco Romero Loaiza, kay killa, shamuk 28 punchapi Sercop kamachik rimashkata uyanka, payka kay Sistema Nacional de Contratación Pública kamachy alli killarichun yanapanka.
Chaymanta, Silvana Vallejo kamachiy killkak, Mamallaktawan, llankakwasikunawan, rantikkunawan, katukkunawan, llankaykunawan yuyarita killkachun achkata kay kamachiy ñanta kunka. Ima yuyarikunapash, llankakkunapash achiklla rurarinka, killkarinka, tukuy runakunaman hamutarinka.
Shinallatak Lira Villalba kamachiy killkakpash, yuyarikuna alli paktachun shuk nikita churana nirka. Paymanta Sercop kamaywasipash paypak yuyayta rikuchirka. Kipaman Ana Belén Marín kamachiy killkak llankayyuyarikuna allita killkarichun kamachiypak Uchilla Kamachiyta killkachun mañarka.
Minkashkaman yaykurishka kamachiy killkakkuna, Coalición Legislativa por la Transparencia Fiscal tanta kamashka muchuk yuyaykunata atinakurka. Chay Sercop kamachikpak yuyaypika, Contraloría kamaywasi rikuchun ñapash kachana mana mutsurin, mana alli willay kakpika mana allichiklla hamutanka nirka, chay churayta kamachiy killkakkuna hapirka, chaymanta tawka yuyaykunata surkurka.
Ña tukuchinkapa, Directora del Sercop kamaywasita pushak kamachik, kamachiy shutirishpa llukshishka kipa 90 punchapi uchilla kamachiykunata, llankana sumak alli ruraykunata, hillaykunata rantinkapa kullkita churachun mañarka. churana, chaywan llankakkuna mayman chayana yuyayta paktachinka nirka.
JLVN/cz/jc-kichwa
