Kay Comisión de Derechos Colectivo tantarika, kaya puncha, 10h30. Sayllamanta pichka iñukunata rimanakunka.
Kay tantarita pushak, Jaime Olivo, kamachiy killkak, Fernando Callejas rimashkata uyanka.
Payka Comunicación kamachiypak tiksi yuyayta churanka, tukuylla willaykunapi achka kullkita ama tukuchina, yanka willaykunata mana ruranata kamachiywan harkana ninka.
Pay rimashka kipa, kamachiy killkakkuna Acceso a la Información Pública kamachiyta hamutankapa achkata tapuykunata ruranka, kay yuyaykunataka César Litardo Caicedo, Mamallakta Tantanakuy churashkami kan, tukuykunaman willaykuna achiklla kanka, mutsurik pachapapi willashka kanka, kay kamachiywan shuwaykuna ashayachun harkanka.
Karumanta rimanakuypi Freddy Carrión Intriago, Defensor del Pueblo kamachikta chaskinka, payka chay Furukawa llankakwasi chaypi llankakkuna llankashkamanta mana tukuy kullkita kushkata, mana alli kawsayta, mikunata, chirli yakuta mana kushka, wamrakunata llankachishka willanka.
Shuktak manyamanta rikushpa, tantariman yaykurishka kamachiy killkakkuna Cristian Yumbla Castor, coordinador zonal 6 de la Secretaría del Deporte kamachikta chaskinka, payka Morona Santiago markapak ayllullaktakunapi kawsaytarpuyta, samarikunata mirachik pukllaykunata ruranka, chay Gobierno Autónomo Descentralizado Municipal de Taisha karupi llankak kamachikkunapak llankayta rurashpa katinka.
JLVN/cz/jc-kichwa
