Mamallakta Tantankuy 123 apuchiwan Modernización a la Ley de Compañías kamachiyta arinirka.
Kay kamachiytaka Comisión de Desarrollo Económico tantarimi allichishpa shamurka.
Kay kamachiywan 1964 watapi allichishka nikikunata mushuk yuyayta churashpa llankachun ñanta paskan, shinami Mamallaktapi llankakwasikuna alli llankayta pushachun yanapanka.
Kamachik yanapanka Comisión de Desarrollo Económico tantari pushak, Esteban Albornoz, kay kamachiywan paya nikikunata, paya yuyaykuna, llankan harkakunata anchuchishpa Mamallaktapi alli llankayta rurankapa, llaktayukkunata achkata yanapanka churana kachun rimarka. Llankakwasikuna unipak runakunata yanapak, kullkita, llankayta mirachik rurayta pushachun mañarka.
Kay mushuk kamachiypika mana rikshishka llankakwasikunata mana harkashpalla, mana manyaman churashpalla riksichin yanapanka, willaykunaman mana harkarishpalla yaykunkapa yanpanka. Wakllirishka, llankaypi harkarishka llankakwasikuna kutintak hatarichun makita kunanka nirka.
Kay Kamachiy ista llaktamanta shamuk llankakwasikuna ñukanchik llaktapi llankakchun ñanta paskanka, paykunapash imashinami Mamallaktapi tiyak llankakwisikuna shinallatak pakta llankana hayñita charichun, Código Orgánico de la Producción, Comercio e Inversiones kamachiypak 17 nikipi rimashkata mana pakishpalla, llankakwasipura mana tsiknichun harkanka, rimarka.
Shinallatak, kay Normas Internacionales de Auditoría kamachiyta hapishpa mashna kullkiwan llankakwasikuna llankakushkata katichun ñanta kunka, chaypak shuk uchilla kamachiyta rurana, shinami chay Superintendencia de Compañías, Valores y Seguros kamaywasi churashka, mañashkata chayta yachak kamachikkuna paktachinka.
Shuk llankakwsi llakita charishpa chinkarikpi kamachikkuna maymanta llaki shamushkata riksishpa alli tukuchichinka, llankakunaman mashna kullkita hapina kashkata kuchinka, shinallatak Mamallaktapak kamachikkuna kamaykushpa kamachiykuna rimashkata katishpa allita wichkanka.
SV/cz/jc-kichwa
