Kay Comisión Multipartidista tantari 2019 wata, wayru killa llaktayukkuna kaparikpi llakita taripashkamanta Mamallakta Tantanakuy riksishka karka.
Ñukanchikka Mamallakta Tantanakuy mañashkata, kamachikuna mañashkata paktachirkanchik Fernando Burbano kamachiy killka rimarka.
Shinallatak, Comisión de Fiscalización y Control Político tantarita pushak, Elio Peña Ontaneda rimarka, María Paula Romo Rodríguez, Ministra de Gobierno kamachikta wanachinkapa katishpa shina rimarka.
Shinami, kunankaman 74 runakuna llakita charishkamanta willashkata, Fernando Burbano rikischirka, chaytami Mamallakta Hatun kamachik paktachichun mañarka.
Kunamanta kamachikkuna llaktakunata, wakcha runakunata, llaktayukkunata kamachiyta pakishpa ama llakichichun mañarka. Kay 883 yupay churashka kamachiymi hatun llakita rurarka nishpa willarka. Awka kamachikukkuna, chapak kamachikkuna runakunata yapa waktarka, willakwasita wichkarka, wañuchirka nishpa rikuchirka. Chaymanta Contraloría General del Estado hatun wasita rupachirka nishpa willarka.
Hatun kamachikkunata ama kutin shina llaki tikramuchun runakunata llaktakunapi, llankashkamanta kullkita kushpa yanapachun mañarka. Kay taripashlka willaykunata shuk ushak kamaywasikunaman, kamachikkunaman riksichun kachashkatapash willarka. Chaymamnta kunanka hatun rimanakuyman kayachun shuyanchik nirka. Kay mañashkata tukuylla, shukpaklla kamaywasikunawan rimanakushpa paktachichun Mamallakta Tantanakuy katichun mañarka.
Ña tukuchinkapa, Noralma Zambrano, Ministra de Gobierno, María Paula Romo hatun llakita runakunata rurashkamanta wanachichun, arinichun mañaykata kamachiy killkakuna chaskirka, chaytaka Mamakamachiy, Kamachiy, kunan hillay kamachiy rimashkakunawan paktachichun mañarka.
EG/cz/jc-kichwa
