Kay Comisión de Fiscalización y Control Político tantari, Elio Peña Ontaneda kamachiy killkak pushashka, kaya pucha 09h00 sayllapak, rimanakuyman kamachiy killkakkunata kayarka.
Chayman General de la Policía, Hernán Patricio Carrillo chayanka, paymi kamachikkuna 2019 wata, wayru killa runakuna hatari llakita willanka Ministra de Gobierno María Paula Romo kamachik kachashka rimanka, Lourdes Cuesta, Amapola Naranjo, Roberto Gómez kamachiy killkakkuna huchachishkata tikrachinka.
Kamachik, Romo Rodríguez, wayru killa, 23 puncha, taripak kamachikta kacharka.
Payka killkashka pankapi Cuesta, Naranjo, Gómez kamachiy killkakkuna huchachishkata pantami kan nishpa willarka, chayta hapishapa Mamallakta Tantanakuy llakita riksishka, taripashka hawa llaktay wananchina ruranata riksichirka. Chayta rikushpa Ministra de Gobierno kamachik huchata mana aparishkata rikuchirka.
Shinallatak, hatun Kamachik, Mamallakta Tantanakuy chay Código Orgánico Integral Penal kamachiy huchachina, wanachina ushayta mana charin nirka, shinallatak Código Orgánico de Entidades de Seguridad Ciudadana y Orden Público (Coescop) kamachiy, 120 nikipak, 25 yupayta pakishkata rikuchirka, chaymanta Policía Nacional chapakkunata kamay huchachinata mana ushan nirka, chayta rikushpaka huchachikkuna llaktay wanachina mana ushanka nirka.
Wakachik wikimanta rimashpaka, María Paula Romo, Ministra de Gobierno hatun kamachik, chapakkuna llakichishkata mana riksini nirka, paykunaka Policía Nacional chapakkuna waktana llankayta ruran, paykuna huchata aparinka, Ministerio de Gobierno kamachik rimarka.
EG/cz/jc-kichwa
