Kay Comisión de Educación tantari, 060 yupay rimanakuypi Circuitos Educativos yachayta anchuchinamanta rimarka.
Chay yachayta Direcciones Distritales kamaywasikuna pushachun yuyarirka, kay mañaytaka Carmen García kamachiy killkak churashkami kan.
Kay nikitaka Orgánica de Educación Intercultural kamachiyta ishkaykutin atinakuyman chayachina nirka.
Mama García, Cotopaxi markamanta kamachiy killkak, muyuy yachayta anchuchinkapa rimanakuytaka runakunawan, kamachikkunawan, llaktakunawan tawkakutin rimanakushpa killashkakami nirka. Shinallatak Educación kamachikwan, Finanzas Kamachikwan, Secretaría Técnica Planifica Ecuador Kmachikwan, Mamallaktapak yachay ayllullaktawan rimanakushkami kan nirka.
Kay Direcciones Distritales ukuman, chay Consejos Académicos Educativos kamchikkuna yaykurichun yuyayta kurka, payka yachay llaktayta, pakta yachaykuna pusharikta rikuchun minkashka kanka. Yachay amawtakunwan sumak yachay yachakukkunaman chayachun, mashna kullki yachaypi tukurikushkata rikuchun minkashka kanka, alli yachana ñanta, yachana hillaykunata churanka, rimarka.
Shuktak manyamanta rimashpaka, Secretaría de Educación Superior, Ciencia, Tecnología e Innovación (Senescyt) kamaywasi kamachikta, Ministerio de Agricultura kamaywasi kamachikta, Comisión Gestora de las Universidades Emblemáticas tantarita, Primera Autoridad Coordinadora de Empresas Públicas kamachikta, paykunami yachaypi llaki tiyashkata, Universidad Yachay Tech yachanawasipi, Empresa pública Siembra E.P llankakwasipi llaki tiyashkata rikuchinka.
Tukuripka, yachay tantari Paúl Velásquez, Nacional de Asociación de Docentes Ocasionales Universitarios y Politécnicos de Ecuador pushakta chaskirka, yachachishpa 10 watata, 20 watata llankakkuna, llankaymanta surkushka karka, sakirikkuna paykuna llankashkamanta kullkita mana hapin nirka. Yachay Kamachikkuna mushuk yachachikta, ashalla kullkita kunka hapishka nirka, chaymi PhD shutichishka pankata chariktapapsh mana chaninishpa rimayta tukuchirka.
MG/cz/jc-kichwa
