Kay Comisión de Régimen Económico tantari ukupi, Marisol Andrade, Directora del Servicio de Rentas Internas (SRI) kamachik, 2020 wata kallari sukta killapi mashna kullkita tantashkata willarka.
Yallik 2019 watapi 7654 hunu kullkita tantashkata rikukpika, 6326 hunu kullkitalla tantashkata rikuchirka, chayka 17.4 %. Patsakri nisha nin, rimarka.
Kay 2020 watapak kulla, panchi, pawkar killakunapika 2019 watapi rikukpika, 3 % patsakritalla tantashka rikurin, mana katushkamanta, hatun unkuymanta, mana llankashkamanta ayriwa, aymuray, raymi killakunapi ashtawan ashalla dólar kullkita tantashkami rikurin, rimarka..
Chaymanta, Marisol Andrade kamachikka, Pichincha marka, Guayas markami yalli kullkita kun nirka, Mamallaktapak markakunamanta rikukpika ishkantin markamanta 85 % patsakri kullkita tantashka rikurin. Hatun unkuymanta urayashpapash Pichincha markaka 3226 hunu dólar kullkita tantarka, shinallatak Guayas markapika, 2139 hunu kullkita tantarka, 20 % patsakrimanta 10 % urayashkata rikuchirka..
Kamachiy killkakkuna: Juan Vásquez, Planifica Ecuador Kamachikta uyarka, paypak llankayta Ministerio de Finanzas kamachikwan kimirishpa pushashkata rikuchirka, payka alli llankayta rurashkata tukuy chaypi kak kamachiy killkakkunaman allita hamutachirka.
Payka 166 kamaywasipak llankaykunata katinchik rimarka, paykunaman 418 yachaykunata rurashkata, 615 hatun llankaykunata churashkata rikuchirka, shinami tukuykawsaypak llankayta, kullki tukuy runakunapak mitachi kachun, Mamallakta kullikipi, llankaypi allichirichun mañarka.
Turipika, Franco Romero, Comisión de Régimen Económico tantarita pushak, wayru killa, 30 puncha, 2020 watapak kallari sukta killapi mashna kullkita tukuchishka willayta killkanka kamachiy killkakkuna tantarinka, chaypimi ashtwan, chaypi tukuyy chaypi kakkuna rimayta churashpa willayta killkachinka.
JLVN/cz/jc-kichwa
