Mamallakta Tantanakuy 100 apuchiwan Superintendencias de Bancos y de Economía Popular y Solidaria kamaywasi imashina llankashkata taripankapa 100 apuchiwan arinirka.
Chay taripaytaka Comisión de Fiscalización y Control Político tantarimi pushanka, shinami kullkiwasikuna, mana kullkiwasikuna Covid-19. Unkuy purikuy pachapi llankanañanta allichishka taripanka, mashna kullkita unkuyta harkankapa churashkata rikunka.
Kamachiy killkak, Alberto Arias, Apoyo Humanitario Para Combatir la Crisis Sanitaria Derivada del COVID19 kamachiyta churak kay kamachiwan mamakullkimanta wawakullkita mana hapichun yanapak kamachiy kan nirka, kay kamachiyka kay 2020 wata, raymi killapi arinishkami kan nirka.
Mamallakta Tantanakuypi arinishka yuyariwan kamachikkuna imashina kay Apoyo Humanitario para Combatir la Crisis Sanitaria Derivada del Covid-19 kamachiy rimashkata paktachishkata taripanka, ashtawankarin imashina 10 nikita, 12 nikita paktachishkata rikunka, chay Junta de Política y Regulación Monetaria y Financiera arinishkata paktachishkatapash taripanka.
Kay taripaykunata, imashina llakikuna, llankaykuna, ruraykuna rikurishkata, kullkita mañachishkata, wawakullkita hapishakta riksishpami kallarinka. Kullkitaka Superintendencia de Bancos kulliwasimanta 784 samikunapi rakishka rikurin, shinallatak Superintendencia de Economía Popular y Solidaria kamaywasimanta 1935 samikuna rakirishkami rikurin, chaykunatami minkashka taripanka.
Kay Comisión de Fiscalización, 10 punchapi kallari willayta allichishpa killka, rikuchinka, chaytami Mamallakta Tantanakuyman rikuchinka, chay willayta riksishpa kay Apoyo Humanitario para Comb kamachiywan runakunapak hayñita kamashpa paykunapak mutsuyta allichinkapa ñawpakman llankanka.
JLVN/cz/jc-kichwa
