Kay Comisión de Soberanía Alimentaria y Desarrollo del Sector Agropecuario y Pesquero tantari, Lenin Plaza Castillo pushashka, kaya puncha rimanakuyta charinka.
Shinami 09h00 sayllata kallarinka, chaypi Para el Desarrollo Sustentable del Sector Agropecuario kamachiyta rimanakunka.
Chaymanta, kay kamachiyka tarpuymanta, wiwakuna wiñachinamanta, pachamamanta unipak charinkapa yanapanka.
Kay kamachiyka 178 nikikunata charin, 12 yallichinalla nikikunata charin, kimsa pichana nikikunata charin, shuk tukurin nikita charin. Minkashkakunaka tantariman yaykurik kamachiy killkakkuna, kari warmi ayllullaktakuna llaktayukkuna, tukuylla, shukpak kamawasikuna churashka yuyaykunata hapinka.
Manarak nikikunata allichishpa, tukuylla kamaywasikuna, shukpaklla kamaywasikuna, shinallatak Organización de las Naciones Unidas para la Agricultura y la Alimentación (FAO) kamaywasi; Red de Jóvenes Emprendedores Rurales del Ecuador kamaywasi; Federación Nacional de Productores de Leche del Ecuador (Fenaprole) tantari yachayta churanka.
Shinallatak, Federación de Organizaciones Montubias del Ecuador (Fedomec) tantari; Movimientos y Organizaciones Sociales por la Democracia y el Socialismo; la Confederación Única Nacional del Seguro Social Campesino tantari; Asociación Nuestra Señora de Guadalupe tantari rimayta charinka, paykunapak yuyayta churanka.
Mamallaktamanta kamaywasikuna, tarpuk kamaywasikuna, amawta yachakkuna, ista amawta tantarikuna, ista wiwakunata kamak kamaywasikuna, alli kamachiy killkarichun yuyaykunata, yachaykunata, rikuykunata churanka. Paykunami, Ventanas, Chone, Naranjito kitikunaman imashina llankakta riksinkapa chayarka. Chay washa El Carmen, Machala llaktakunaman tarpukkunapak mutsuyta, mañayta rikisinkapa chayarka.
EG/cz/jc-kichwa
