Namallakta Tantanakuy kay watapi karwa killa, 13 puncha arinishkata paktachishpa hampikunata ancha unkuypak, mana riksishka unkuypak, sapalla unkuypak kushka hawa willayta atinakuchun ña killkashka kan.
Kaymi shamuk sayllakunapi Mamallakta Tantanakuyta Pushakman chayachinka, kaytaka Comisión del Derecho a la Salud tantarita pushak, William Garzón chayachinka, rimarka.
Shinallatak, Red Pública Integral de Salud tantari llankakkuna kamaywasipura pakta llankaypi, hatun llankaypi kimirinakunata mana paktarka, chaymanta llika urayarshka, chaymanta ashalla unkukkunata, unkuy hapina kari warmi runakunatalla hampiwan yanapashpa llankanka, nirka.
Minkashkaman yaykurishka kamachiy killkakkuna chay Ministerio de Salud Pública kamaywasi, chay Red Pública Integral de Salud llikawan kimirishpa llankachun mañarka, shina hampina llaktayta, mañashka ruraykunata paktachun shuyanchik rimarka, shina unkuykuna mutsushka pachata riksishpa hampikunata chayachinka nirka.
Shinallatak, mashna kullki kamaywasipak tiyanata katina kan kamachiy killkakkuna nirka, ashtawankarin chay Red Pública Integral de Salud llankayman mashna kullki tiyanata rikuna nirka. Shuktak kamaywasikuna mana riksishka, sapalla, ancha unkuykunata hampinkapa kullkita charishkata mana charishkata katina nirka. Kamaywasi unkuykuna mutsushka pacha, alli hampikunata chayachina kan nirka.
Shinallatak zirma willayta katishpa karumanta kimirinakuyta sinchiyachina nirka, shinami Finanzas kamaywasiwan, Salud kamaywasiwan kimirishpa llankachun mañarka. Chaymi mashna kullki hampikunata rantinkapa mutsurishkata rikunka nirka. Kay Corte Constitucional kamaywasi churashkata paktachishpa ancha unkuypak, mana riksishka unkuypak, sapalla unkuypak hampikunata chayachinka, nirka.
RSA/cz/jc-kichwa
