Mamallakta Tantanakuy paypak arinishka Responsabilidad Social Institucional ukupi sinchita llankan.
Chaymanta Huawei Technologies Ecuador llankakwasiwan “Accesibilidad Tecnológica al Sistema Educativo” shutiwan Ecuador llaktapi kawsak wakcha ayllukunaman sumakruray kipikunata chayachinka.
Kay llankay ukupi, kay wata, sarun wayru killa, 27 puncha, ñaka rimashka llankakwasi 150 tablets sumakruray kipikunata chayachirka.
Kay sumakrurak kipikunaka hawalla killkachun yachakukkunaman yanapanka, César Litardo Caicedo, Mamallakta Tantanakuyta pushak kurka, chaypimi China en Ecuador, Chen Guoyou, hatun rikuk kamachik karka.
Kimsa pata yachakukkunapakka kaya punchami kunka, shinami kay sumakrurak kipikunaka hawalla killkachun yanapayta chayachinka, kay sumakrurak kipikunami hawalla killkana llakita ashayachinka, kay Covid-19 hatun unkuymanta sakirishka yachakukkunaman hatun yanapay kanka.
Yachakuk pakta runakunaka sumakrurayta allita pushachun, tablets hillayta alli mawkayachina yachaykunata kunka, chaypakpa sumakrurayta yachakukkunaman, maypi kay kipikuna tiyak kusman pushana punchakunata mashkanka.
Shinami, Mamallaktapak, kallari awllik kashpa, Mamallakta Tantanakuyka sumakrurayta yachakukkunaman hatun yanapayta chayachinka, yachakukkunaka shukpaklla llankakwasi yanapashka alli yachayta chaskinka, ashtawanakarin wakcha ayllullaktakunami chaskinka.
EA/cz/jc-kichwa
