Mamallakta Tantanakuy hunta tantarishpa 126 apuchiwan Cierre de la Crisis Bancaria de 1999 kamachiyta arinirka.
Kay kamachikwan Ecuador llaktapi kawsak ayllukunata yanapan, kay Kamachiywan Mamallakta Tantanakuy 15 kamachiyta arinishka.
Shinami César Litardo Caicedo hatun kamachikka tukuy chaypi kak kamachiy killkakkunaman, runakunaman, llaktakunaman, chamachikkunan willarka.
Minkashkata pushak, Esteban Albornoz, mashna kamachiykunata arinishkata willarka 1999 watamanta kullkita mañakkuna llakita allichik kamachiyta arinishkanchik rimarka, 21 watakama llakita kunan, allichina, paykuna charishkapak shutipankata charichun yanapanka.
Kay kamachiyta churak 28 nikita allichishkata rimarka. Kallari nikipika charishkakunata shuktak kuskaman kachanamanta rimarka, chayka Banco Central del Ecuador, Servicio de Gestión Inmobiliaria (Inmobiliar) ukupi kipushkami kan, chay Ministerio de Agricultura y Ganadería (MAG) kamaywasi kikin runakunata, shukpaklla llankakwasita kamachiywan riksishkakunata yanapanka.
Shinallatak charishkunata rantikkuna, charishkakunamanta asha kullkita kukkuna, allpata, wasita ranikkuna, manushka kullkikunata kutintak tarikkuna, mashna kullkita tukuchishkata tikrachichun, wawakullkita tikrachishkata, wakinkuna wawakullkita mana tikrachinata ushakkuna ashata ashata tikrachichun yanapanka.
Atinakuy pachapi kamachiy killkakkuna, 1999 watapi tawka kullkiwasikuna Ecuador llaktapi kawsak runakunata achka llakita rurarka nishpa kaparirka, chay llakita rurakkuna kunankama mana wanachishka kashka nirka, paykunapak kullkita chinkashpa llakirishka runakuna, llaktayukkuna kamachiypak 28 nikita, 2 yupayta allichun mañarka.
Kamachiy killkakkunaka kay kamachiyta paktachishpa llakikunata allichishkataka sapan sukta killapi achiklla riksichichun mañarka, imashina paktashkataka Comisión de Desarrollo Económico tantarimi riksichinka rimarka. Charishkakunataka 180 puncha mitapi yallichichun mañarka.
Kay yuyaykunawan, Mamallakta Tantanakuyka charishkakunata yallichimukukpi rikunata charin nirka, kay llankayta pushak kamaywasikuna Mamallakta Tantanakuyman willayta sapan kimsa killapi chayachichun mañarka.
SV/cz/jc-kichwa
