Kay Comisión que atiende temas y normas de la Niñez y Adolescencia minkashka, Código de Protección Integral de Niñas, Niños y Adolescentes kamachiypak chusku kamuta rikunka.
Kay tantarita pushak, Encarnación Duchi, kamachiy killkak, tawka kamachiy killkakkuna churashka yuyaykunata churashka hapishpa killkashka karka nishpa willarka.
Kay Sistema Nacional Descentralizado de Protección Integral de Niñez y Adolescencia llikapi, Libro III kamupak nikikunata allichinata rimarka.
Chaykmanta, wakcha runakunawan, kamachiy killkakkunawan rimanakushpa allichinkapa, shuk yuyayta charinkapa tawka punchakunatami apanka nirka.
Shinami kay kamachiyka Libro I kamuwan wallparishkami kan, kaypika kallarita, hayñita, kamayta riman; Libro II kamupika kari warmi wawakunapak, imillakunapak, paykunapak ayllupak hayñikunatami rikuchin nirka; Libro IV kamupika imillakuna llakita charikpi huchachinamanta, kishpiychinamanta riman nirka.
Kay tantarita kipapushak, Franklin Samaniego, kamachiy killakka, nikikunata allita rikushpaka, wakin nikikunata anchuchinata rikuni nirka, kamupika wakin yuyaykunaka, chayllatak ishkaykutin killkashka kan nirka. Hawalla paktachina kamachiy kachun nikikuna killkashka kachun mañarkani nirka, kallaripi rikuna wawakunata, imillakunata yanapachun killkashka nikikuna kachun mañarka.
Kamachiyka tukuypi wiñarichun yanapakmi kan, wawapak, imillapak hatun munayta hawapi churak kamachiy kachun shuyanchik, rimarka. Kipapunchakunapi kasilla kawsayta apamuk kachun, kunanpin tiyak llakikuna ama tikramuchun harkanka, runapak hayñita kamak, ukllak, mirachik kachun mañarka.
JLVN/cz/jc-kichwa
