Kay Desarrollo Económico tantari Telecomunicaciones Hatun kamachiyta allichishpa katin.
Chayta rikushpa Javier Cadena, kamachiy killkak Para Garantizar el Acceso al Servicio de Internet en los Sectores Urbano Marginales y Rurales del Ecuador Hatun kamachiy allichirishpa katikta riksichirka.
Payka Mushuk kamachiyka Ecuador Mamallaktapak kiti manyaman, ayllullaktaman willayllika chayachun munan, karu llaktapi kawsak runakuna sumakrurak hillaykunawan paypak wasipi yachaykunata, willaykunata, llankaykunata chaskishpa katichun nirka,
Kay Covid-19 hatun unkuymanta yachakukkuna yachanawasiman yachankapa rinata mana usharka nishpa willarka, wakin yachakukkuna yachayman mana tikrarka nishpa riksirka, willayllikatapash mana charirka nishpa riksichirka, sumakruraywan yachayman yaykunata ushan nirka.
Kunanka pakllapi kawsak 26% patsakri runakunami willayllikata charin, shinapash shuktak shulkakunapi karu uyariktallapash mana charinchu rimarka.
Kay kamachiyka 12 nikikunatami charin, chaypimi imashina sumakruray mitachita chayachinata riksichin. Kay sumakrurayta churankapa, hatunyachinkapa, mushukyachinkapa, llankachinkapa Gobierno Central kamachikwan, Ministerio rector de las Telecomunicaciones kamachik makiwan, Gobiernos Autónomos Descentralizados Municipales kamachikpak makiwan ruranka.
Tayta, Cadena kamachiy killkak, hatun unkuymanta mitikushpa, kay willayllika may mutsurik tukun nirka, yachaypaklla mana kanchu, katunkapa, murukunata pukuchinkapa alli kan nirka. Mamallaktapak saywa llaktakunapi yalli manyayashka sakirishka nishpa riksichirka.
Minkashka kamachiykillkakkuna, Roberto Moreano, Agencia de Regulación y Control de las Telecomunicaciones (Arcotel) kamachikta chaskirka, payka Ecuador llaktapi mashna willayllikaman yaykurikta riksichirka. Mamallaktapi rikukpika 45.5% patsakri ayllukunami willay llikata charin nirka. Shinapash paklla ayllullaktakunapika mana charichu nirka.
Kay Telecomunicaciones Hatun kamachiypi tawka nikikuna ña killkashka kakta rikushpa, manarak kamachiyta killkay kallarishpa llaktakuna mutsukta rikushka kan, ama wañushka killkalla sarichun, runakuna mutsushkata paktachichun, yapa mañarka. Kay Kamachiy kitikunapi, llaktakunapi paktachun katichun mañarka.
SV/cz/jc-kichwa
