Chay Los Ríos marka, Asamblea en Territorio llankakta chaskirka, César Litardo Caicedo, Mamallakta Tantankuyta pushak rikuchirka.
Chaymanta llaktayukkunapak, runakunapak mutsuykunata mushuk Kamachiykunawan yanapanchik nirka..
Chay Universidad Técnica de Babahoyo (UTB) kamachikkuna, tarpukkuna, yunkarunakuna, mushuk llankakkuna Mamallakta Tantankuyta pushak mutsuykunata rikuchirka.
Kipaman Marcia Arregui, Litardo kamachikkuna, Babahoyo, Mocache y Quevedo llaktakuna muyushpa puririka. Kay Fomento Productivo, Apoyo Humanitario, Emprendimiento e Innnovación kamachiykunata arinishkata willarka.
Chay Granja Orgánica Integral de la UTB yachanawasita pushak, Marcos Oviedo kamachik, 60 tupu allpata charishkata muyushpa riksichirka. Chaypi palanta tarpunata mirachinamanta rimarka, chayta hatunyachinkapa kullkita mañana, chatarrización llankayta ñawpakman pushana nirka.
Chay allpata muyushpa, UTB hatun yachanawasiman, sumakruray yachaywan kimirishpa yachachikkunawan sumakruraywan llankana, chaypimi Mamallakta kullkiwan yanapanata charin rikuchirka, shinami Ecuador llaktapi kawsak runakunaman allikawsay tiyachun yanapanka rimarka.
Chay Mocache kitipak, San Ignacio ayllullaktapi, Pueblo Montubio de Los Ríos llaktayukkunawan rimanakuyta charirka. Chay yunkallakta runakunapak shutipi, Rocío Cruz, runakunata yanpak kamachiyta arinichun mañarka, hatun unkuy purikuy punchakunapash llankayta mana shayarirkanchik nirka. Yunka runakunata yanapaymi maymutsurik karka, nishpa willarka.
Shinallatakmi tayta Lucio Aviles, San Jacinto, San Clemente, El Naranjo y Maculillo ayllullaktakunata pushak rimarka, pallashkakunata katunkapa shuk kamachiy mutsurin nirka, chanikuna katuypi ama kuyurichun nirka. Kay llaktata riksikshina achkata yanapachun mañarka.
Kaya punchaka, Mamallakta Tantanakuy, Quevedo llaktaman chayanka, chaypi Mesa de Seguridad rimanakuyta chayachinka, chaywan chay llakta shuwakunata, muspa runakunata harkanka, llaktayukkunapash hatarinka, rimarka.
RCL/cz/jc-kichwa
