Shinami Grupo Parlamentario por los Derechos Humanos desarrolló el panel “Derechos Humanos de los pueblos y la naturaleza en la Amazonía” tantarika antisuyu runapak hayñita kumuchishkata rikurka.
Chaypimi amawta yachakkuna, kamachiy killkakkuna karka, hayñikunata pakishkata chaypi kak kamachikkunaman riksichirka.
Tayta, Tito Puanchir, kamachiy killkakmi kallaripi rimarka, payka Antisuyu allpakunamanta yurakunata kuchushkata riksichirka, chayka kikin llaktapi kawsak kari, warmi runakunata llakichishkata rikuchirka, pachamallikata, yakuta, sachakunata achkata wakllichishka.
Kay karumanta rimanakuypika Zoila Calderón, amawta yachak karka, payka antisuyu runakunapak llakiwan nanarirka, hatun kamachik, pay rimashkata mana paktachirka nirka, runakunapak hayñi ama pakirichun mana yanapashka nishpa hamirka.
Ña tukuchinkapa, Silvia Salgado kamachiy killkak, Amazónica Kamachiyta paktachinkapa mana munay tiyan nirka. Kay Kamachiy pakta katina mutsurin, chay kamachikwan llankakkuna, imashina paktashkata, mana paktashkata Mamallakta Tantanakuyman willachun mañarka.
SV/cz/jc-kichwa
