Kay yachaymanta yuyarika Secretaría de Educación Superior, Ciencia, Tecnología e Innovación (Senescyt), Agustín Albán Maldonado kamachik chaypi yuyarita killkashkawan arinirka.
Shinami Universidad de Guayaquil, Roberto Passailaigue Baquerizo kamachik chaypi kashkawan, Vinces kitikamachik, Alfonso Montalván Cerezo arinishkawan llankay kallarirka.
Chaymanta, Guayas markapak, Manabí markapak yachakukkuna chayman rinka, nirka.
Kunankama, Los Ríos markaka, pichka Instituto Universitario Agropecuario yachanawasita charin. Chaywan amawta yachaykunata, sumakruray yachaykunata mirachinka, chay yachaykunaman 3271 yachakukkuna chayanka. Shinami: Tecnología Superior en Administración Financiera yachayta, Tecnología Superior en Producción Agropecuaria yachayta, Tecnología Superior en Producción Animal yachayta hapinka.
Kay Eva Mieles, Institutos Tecnológicos, Vinces llaktapi pushak kamachikpak yuyaypika, yachaykunata nirachinkapa 2 hunu dólar kullki mutsurinka nirka, chay kullkita kamaypi, yachachikman kullkita kushpa, shamuk kimsa watapimi yachaypi, ruraykunapi tukuchinka. Kay 500 dólar kullkitaka mutsurishka hillaykunata rantishpa tukuchinka.
Kay Senescyt kamachikka, Universidad de Guayaquil (ex Facultad de Ciencias para el Desarrollo) yachanawasipi, chay Instituto Superior Tecnológico Ciudad de Valencia sumakruray pusharinka. Chay kuskaka 84 tupu allpata charin, chaypika 630 yachakukkuna yachanka, tutamanta, chishiman, tuta pachakunapi yachanka, rimarka.
Tutamantaka, paypak katikilla ukupi, Mamallakta Tantanakuyta pushak, Condecoración Dr. Vicente Rocafuerte al mérito social, Estandarte Nacional del Grupo de Fuerzas Especiales #26 Cenepa aknaypi karka, Quevedo llaktapi karka, awkakuna hatun unkuy purikuy punchakuna sinchita llankashkamanta kay kamarita hapirka.
RCL/cz/jc-kichwa
