Minkashka Kamachiy ama pakichun shuk ñanta mashkanka

Miércoles, 18 de noviembre del 2020 - 16:33 Imprimir Elaborado por: Sala de prensa

Kay Comisión del Derecho a la Salud tantari, William Garzón pushashka, mushuk kamachiyta arinishkata riksishpa kamachiy killkakkuna rimashkakata uyarka.

Chaymanta Elizabeth Cabezas kamachiy killkak chay Autoridad Sanitaria kamachik kutintak kamay llankayta kallarichun mañarka, hami, waktay, upachalla hapi huchakunata ama rurachun harkachun mañarka.

Chaymanta Autoridad Sanitaria Nacional tisiku pankakunata alli kakta rikuchun mañarka. Tukuy runakunami pay tisiku kashkata rikuchina hayñita charin.

Chaytami Autoridad Sanitaria Nacional kamachikmi tisiku pankata alli kashkata, mana alli kashkata rikuna uashayta charin nirka. Minkashkakuna 3000 waranka tisikupankata kutin rikuchun mañarka, hatun unkuy purikuy pachaka tisiku pankata surkushkata alli kakta, mana alli kakta riksichun mañarka.

Paymanta, Flérida Guevara kamachiy killkakka, tukuylla kamaywasikuna, mana kutsik llankakta utkachina kachun mañarka, yanka tisiku pankata charikta kichuchun, pichachun kamachikkuna charichikta anchuchina kachun mañarka. Tukuy tisiku runakuna paktapakta tisiku pankata hapichun, ama wakinka urayman, wakinka hawapi kachun uchilla kamachiyta killkana, arinina kachun churana nirka.

Kay Minkashkakuna maykama Deporte y Cultura Recreacional kamachiy paktashkata kamachy killkakkuna riksirka, Luis Pachala, kamachiy killkakka, wiwakunawan pukllayta harkanamanta willarka, pukllay tantarikuna imashina kashkata riksina, imashinami Federaciones Ecuatorianas del Deporte Adaptado tanta kakta, llankakta, ushakta riksina kachun mañarka. .

Kamachiy killkakkuna kamachiyka pukllayta hatunyachinka nirka, chaymanta pukllaykuna kamaywasiman tukuchun ñawpachinka nirka, chaywan Mamallaktapi pukllay llikata, pukllay hayñita, pukllay tantarikuna mushukyachina kan nirka. Sapan pukllay tantarikunapak ukupi llaktaykuna ama tiyachun, pushakkunata akllana ama shuk manyalla runakunamanta yaykurichun mañarka.

RSA/cz/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador