Kay Santa Elena llakta urayman sapsikuna, Guayas markamanta Safando runakuna Mamallakta Tantanakuy llaktakunapi tarpukkumanta, pallaykunamanta rimanakuyta charirka.
Chaypimi ima kamachiykuna tawkasami tarpuyta yanapanamanta chaypi kak runakunaman, kamachikkunaman, tantarikunaman rimarka.
Shinallatak kay rimanakuypika chay Código Orgánico Integral Agropecuario kamachiyta ashtawan allichinkapa chikan chikan llaktakunawan rimarinchik nirka. Yuyayka, Mamallaktapi tiyak tarpuk ayllullaktakunaman kullkita akllashpa mañachina, shuktak yanapaykunata chayachina raykumi kan.
Mamallakta Tantanakuyta pushak, César Litardo Caicedo, tarpuy llaktayta llaktakunapi sinchiyachinami may mutsurik kan nirka, tarpuy kamachiykunawan yanaparishpa pakllapi tarpukkunata yanapa kan, Sapsi Kamchiywan mushukyachishpa, sinchiyachishpa llankana, shina allpa yayñita ushachina kan nirka.
Kay yaripillatak, Jimmy Candell, kamachiy killkak, tarpuykuna, pukuykuna willarichun mutsuykunata ashayachina rimarka, chayapak tarpukkunaman kullkita mañachina, yakuta chayachina, shuktak ayllukunata yanapakta chayachina hawa rimarka.
Paymanta, Guayaquil kitimanta shamuk, Segundo Yunga, sapsita pushak, Ministerio de Agricultura hatun kamachikwan rimankapa Mamallakta Tantanakuyta pushak ñanta paskachun mañarka, chay rimanakuypi sapsipak Acuerdo Ministerial panka hawa rimanakunkapa mañarka.
RCL/cz/jc-kichwa
