Mamallakta Tantanakuy 104 apuchiwan Ministra de Gobierno kamachikta karkurka, payman minkashka llankayta mana paktachirka.
Yallik 2019 wata wakcha runakuna rupana yaku chani wichiyakpi runakuna kaparinkapa llukshikpi Policía Nacional chapakkunawan, awkakunawan takarka, wañuchirka, waranka yalli runakuna chukririka.
Kamachikta surkuna yuyaytaka Roberto Gómez kamachik killkakmi churarka, shinapash 18 apuchikunawan mana nirka, 12 apuchiwan samaypi sakirka. Paykunapak ushawan taripaykunata rurachun Mamallaktapak kamaywasikunaman surkushka willayta kachanka.
Hatun Kamachik rimashpaka, pay llankashkata charirayarka, 2019 watapi Policía Nacional chapak kamachik runakunata, ayllunata, llaktayukkunata takashka, wañuchishka, chukrishka allimi kan nirka “hunu runakuna wasiman, llankayman richun yanaparkani nirka”.
Imashinami Amapola Naranjo, Roberto Gómez, tapuk kamachiy killkakkunaka, yallik wata wayru killapi llaktayukkuna kaparinkapa llukshikpi chapakkuna, awkakuna takashka wañurka, chukrirka, katikachashka karka nirka. Llaktayukkunata mana tapushpa Hatun Kamachik rupanayakupak chanita wichiyachirka chaymantalla hatun llaki rikurirka.
Kay atinakuypi 25 kamachiy killkakkuna rimayta charirka, paykunaka Hatun Kamachik, runakunata mana llakichirka, paypak awllita pantashpa Mamallaktata llakichishpa sakirka nishpa rimarka.
Chaymanta kunanka llaktay wanachita rurashka kan, runakunapura, ayllupura mana tsikni, mana takay, manyayachik kawsayta Mamallakta mutsun nirka. Mamallakta Tantanakuypak ukupi mushuk yuyaykuna wiñarirka, chaywan llankana nirka.
Kay kamachikta surkushpa, wañushkakunamanta, chukririshkakunamanta Mamallakta yanapachun, ayllukunaman kullkita kushpa, allpata kushpa, yachayta kushpa yanapachun mañarka. Shinami wakin kamachiy killkakkunaka mañarka, kay atinakuyka ishkaychunka shuk sayllata tukurirka.
EG/cz/jc-kichwa
