Chay El Oro, Esmeraldas, Manabí, Santa Elena markakunamanta makiwan chalwakkuna Comisión de Soberanía Alimentaria y Desarrollo del Sector Agropecuario y Pesquero tantari, Lenin Plaza Castillo pushashkaman shamurka.
Paykunaka, mamakucha pusak yakutupu wampuyta ukllarka, chaytami imashina Acuacultura y Pesca Hatun Kamachiy rimashkata katishpa llankanka nirka.
Minkashkapak 86 yupay rimanakuypi makiwan achka chalwak runakuna shamurka, chaypi yuyaykunata churarka.
Kamachiypi rimashka yuyaykuna alli killkarichun yanaparka, kay kamachiyka sukta killamantami ña llankamun, kay kamachiyka makiwan chalwakkunata achkata yanapan, mana alli killkarishpaka Mamallaktapi 60 waranka chalwakkunatami llakichinka.
Chay Santa Elena llaktamanta makiwan chalwakkuna kachashka, Nelson Calderón Ponce, Mamallakta Tantanakuy 46 watapi makiwan chalwakkunata yanapanka shuk kamachiyta churan nirka, ashtawankarin mamakuchapi pusak yakutupu wampuyta churashpa yanapan nirka, kay kamachiywan wacharishka, wiñakuk, pakta chalwakuna kawsachun kamanka nirka.
Paymanta, Carlos Robles, Red de Organizaciones de Pescadores Artesanales de Esmeraldas tantarimanta shamuk, minkashkakuna makiwan chalwakkunata ukllachun mañarka, chalwakuna Ecuador llaktapi kawsak waranka waranka runakuna, ayllukuna yaku aychata mikuchun kun nirka.
Kay Acuacultura y Pesca, Bernardo Hidalgo Baquerizo, Kipa Hatun kamachik mana shamurka, paymi Para el Desarrollo de la Acuacultura y Pesca kamachiypak wankurikunata riksichina karka, kipaman riksichichun mañarka.
Minkashka pataku tukuy kay willaykunata Mamallakta Tantanakuyta pushakman chayachishun nirka, kay kamachiywan mamakucha punku llaktapi kutintak chalwanata kallarinka nirka, chaymanta Gerente General de Autoridad Portuaria del Puerto Bolívar kamachikman amsalla rikurirka.
EG/cz/jc-kichwa
