Kunan pucha, Grupo Interparlamentario de Amistad y Coordinación Recíproca Ecuador– Israel kamaywasiwan, Lira Villalva kamachik, Embajador Zeev Hare kamachik makita kurka.
Chaynanta, 50 kit malluta, katata, saynata wallkirishka runakunaman kunkapa killkak aspirka, chayka wakllirishka llaktayukkunaman chayachinka.
Kallaripika Pastoral Social Pan de San Antonio de la Orden Franciscana kamaywasiman, paypak wakcha ayllukunaman chayachirka, kipaman Mamallaktapak rimanakuy pataku markakunaman wakllirishka runakunaman chayachinka.
Mama Lira Villalva Miranda kamachik Ecuador llaktawan, Israel llaktawan, 70 watata kimirishpa llankamurka, chaymanta kunankama mashiyarishka kan nirka. Chaymanta Mamallaktapak Grupo Parlamentario tantariwan, Embajada para
Kunanka, Grupo Parlamentario tantarimi 50 kits mallukunata Pichincha, Manabí, Esmeraldas, Cotopaxi, Tungurahua markakunapi wakllirishka runakunaman chayachinka. “Kay hatun unkuymanta llaki punchakunaka tukuypurami yanapanakuna kanchik”, Villalba rimarka..
Kay willkay wiñay kuchuyamukpi kay kamarikuna achikwan, munaywan, kasikaywan chayamun. Chaymanta ¡Israel llaktawan, Ecuador llaktawan yanapay, kamari kushilla kachun! rimarka.
Paymanta, Fray Ángel Montoya, Pastoral Social Pan de San Antonio de la Orden Franciscana kamaywasita pushak, Papa Francisco umu kushipata apunchikta mañachun rimarka: “Makita kushpa yanapaykunaka urmashka runakunata hawayachin" rimarka, shinami Embajada de Israel kamaywasita yupaychashpa rimarka. Shinami kuyak kawsayta mashkanchik, nirka.
MG/cz/jc-kichwa
