Atashpata wiñachik tantariwan, Ministerio de Agricultura kamachikwan, Carlos Bergmann kamachiy killkakwan rimanakuyta charirka.
Shinallatak, Mauricio Proaño kamachiykunawan, llakita charishkamanta rimarkakuna, ista llaktakunamanta “pollos en pie” sumakrurakkuna Mamallaktaman shamushkamanta llakichishkata rimarka.
Kay yuyaritaka Comisión de Soberanía Alimentaria tantari ukupi kamachiy killkakkuna arinirka.
Chaypimi Robert Córdova kamachik, Luis Bolívar Hierro kamachik rikurirka, katipika Ministerio de Agricultura y Ganadería kamachik chayamurka, payka “pollos en pie” sumakrurakkuna Mamallaktaman apamukpi llakichishkata, chay harkanamanta rimarka.
Shinallatak Robert Córdova, Comercialización Agropecuaria kipa hatun kamachik, payka kamachiywan mintalayta allichinamanta rimarka. Shinallatak Agencia Nacional de Regulación, Control y Vigilancia Sanitaria (Arcsa) kamaywasiwan rimashkata, aycha katuyta mirachinkapa , Agrocalidad kamachikkunawan rimashkata riksichirka. Payka chakishka murukunata, uchilla pukuchikunamanta rantishpa wakaychina kuska illashka riksichirka.
Tayta, Luis Bolívar Hierro, Producción Pecuaria kipa hatun kamachik, wiwakunata kanchamanta apamunamanta rimarka, chay Brasil, Colombia, Estados Unidos, Perú Mamallaktakunamanta apamunamanta rimarka, chay kapukkunata katushpa kullkita mirachinamanta willarka.
Kay Ministerio de Agricultura kamachik rimashka kipa, Ramiro Apolo, Asociación de Productores Pecuarios tantari pushak atallpa kapukkuna yalli mirarikushkamanta riksichirka. Kay willayta Manabí markamanta Hernán Macías istamanta wiñachina hillaykunata saywachun mañarka.
AM/cz/jc-kichwa
