Tukuykuna yuyarishpa Comisión de Educación, Cultura, Ciencia y Tecnología tantari, (12 apuchiwan arinirka), Jimmy Candell kamachiy killkak pushashka kan, shinami kay Educación Intercultural (LOEI) kamachiyta arinirka.
Kamachiy Jimmy Candell, chaypi kak tawka, chaypi kak kamachikkuna alli yuyayta kushkawan kamachiyta killkankapa yanapanka.
Kunanka yachana llikaka wakllichishkami kan, chaytami allichina urman. Mamallaktapika wawakunata, imillakunata, pakta runakunata yuyaypi llakichishka kan.
Kay Guzmán Albarracín, Corte Interamericana kamachik, 14 watayuk Paola wawata mana ukllashkamanta Ecuador llaktata supaycharka, paypak wiñayta tukuylla yachanawasipak kipa kamachik llakichishkamanta wakllirirka. Kay llakika kutintak mana tikranata mana rikurin nirka.
Yachanawasipi kutintak wawakunaman, imillakunaman, pakta runakunaman ama wakllichi llaki yachachun harkana kanchik rimarka. Kunan mama Pepita Albarracín shina ushushi llakirikpi paypash wakakta ñawpakman rikushun nirka. Kay llakikunata sapimanta kamachikkuna anchuchinka..
Kay Fuerzas Armadas kamaywasi, Policía kamaywasi maysumak yachachun taytamamata, imillakunata, wawakunata, pakta runakunata kayanka, chaypimi imashina llakikunata harkanata yachanka. Maypipash warmikuna, karikuna llaktapi, ayllullaktapi, kitipi alli kawsanata yachanka.
Maki ruray yachaytaka wawamanta, hatun Sistema de Educación Superior yachaykama yachanatami charin. Sumakruray paktayachayta mana washaman churan. Ashtawankarin makiruray yachayta, kawsaytarpuy yachayta, charimushka yachayta hatunyachinka. Shinallatak Secretaría de Educación Intercultural Bilingüe kamaywasi llaktakunapak, llaktaykunapak yachayta hatunyachinka, nirka.
MG/cz/jc-kichwa
