Kayna puncha, Comisión de los Derechos de los Trabajadores y la Seguridad Social tantari, Karina Arteaga Muñoz kamachiy killkak pushashka, Seguridad Social kamachiyta rimarka.
Chaypi Consejo Directivo del Instituto Ecuatoriano de Seguridad Social (Iess) hawa atinakurka, kullkimantapash rimarka.
Kay Seguridad Social kamachiypak 28 nikita allichina kan nirka.
Chay nikimi imashina Consejo Directivo del Iess kamachikkunata akllana, llankaypi tiyachinata riman, paykuna kari warmi yanantin llankaypi tiyarina nirka. Shinami awllikkunaka rantinchishpa llankanka nirka.
Kamachiy killkakkunaka ishkayniki atinakuypika rimayta charik imashina llankanata yapa churana nirka, paykuna awllita pushanka mana kamay ruraykuna mutsurinka, katik rimayta charikmi tukuy tantartikunapi yuyayta kushpa kanka nirka. Chaypak shuk killkata chayachichun mañarka.
Kay yuyaykunata hapishpa, Roberto Gómez kamachiy killkak, Kawsaykamay kamaywasiman kullkita mashkankapa achiklla kachun mañarka, sapan wata kullki yupaykunapash allichiklla kachun mañarka, kullki manarak chayakpi 30 puncha sirikpi achiklla kullki yupay tiyanka.
Shinallakta 2021 watapi akllarina punchakuna kashkamanta, kamachiy killkakkuna anchurishkamanta, kay tantarika Leonardo Chang, Max Íñiguez, Zoila Ollague, David Gallardo kikin kamachiy killkakkuna tukuchun llankaypi tiyachirka, shinallatak Mónica Brito, Verónica Arias, Cristina Reyes y Rina Campain kipa kamachiy killkak tiyarirka.
RSA/ea/jc-kichwa
