Mamallakta Tantankuypak kipapushak, César Solórzano Sarria, 12 punchapak kamachiy killkakkunata kayanka, 11h00 sayllata rimanakuyka kallarinka.
Chaypimi Deporte, la Educación Física y la Recreación Hatun Kamachiyta atinakunka, kamachiy killkakkuna yuyayta churanka.
Kay Comisión del Derecho a la Salud tantari, paykunaka imashina wallpata mushukyachina hawa rimarka.
Ashtawankarin, ukun kuyuri yachaymanta, pukllaymanta, hatun samarinamanta, hatun pukllakkunata ashtawan yachachun yanapanka.
Alli kamachiy killkarichun, 184 nikikunata allichishka kan, kay kamachiyka chunka hatun churashkakunata, ishkay mushukyachishkata, shuk anchuchita, shuk tukuri kamachiyta churashka kan, kay kamachiywan yachaypak, pukllaypak kullkita mashkankapa yanapanka, yachaypi mañashkakunata paktachinka.
Kay killkashka pankapika Sistema Informático en Línea (SIL) hawa killkashka kan, chaypimi tisiku runakunapak llakimanta rimanka, shinallatak tisiku runakuna kashka, mana kashkata rimanka, wakllirishka runakuna kashkata hampikkuna, shuk illuta kunka, hatun unkuy purik punchakuna illuta kuna sakichishka kakpipash, mashna tisiku runakuna tisiku illuta hapishkata riksinka.
Ishkayniki kamachiyta rimankapa Luis Gallegos Chiriboga, Andrea Colombo Cordero kamachikta kayanka, paykunaka Ministro de Relaciones Exteriores kamachik, Movilidad Humana kamachik, Directora Nacional de Aduanas del Ecuador kamachik kan, paykunaka Colombia llaktapi hapishka antawakunata katunamanta riksichinka.
RSA/cz/jc-kichwa
