Kay Bosque del Chocó kuskapi mana Kamachiy arinishkawan llankakpi chuki llakikunata riksishpa, Ministro de Ambiente y Agua, Paulo Proaño kamachikwan tantarirka.
Chaymanta, Mamallakta Tantanakuymanta Comisión de Biodiversidad tantaripi yaykurishka kamachiy killkakkunata yanapanata arinirka, wakllichishkakunata kutintak allichina nirka.
Kay Paulo Proaño kamachik, Mamallaktapi tawkakawsayta charik pachamamata wakllichishkakunata kutintak allichina hawa rimarka. Shinallatak sachakunata, muyata, sapsi yurachakrata, sacha tarpuykunata ama wakllirichun chapanata mañarka. Kay kamaywasika tawkakawsay llikata allichinkapa 385 hunu kullkita churarka nishpa riksichirka.
Kay Comisión de Biodiversidad, 8 apuchiwan, Defensor del Pueblo, Freddy Carrión kamachikta kayankapa arinirka, paytaka Resolución Judicial del cantón San Lorenzo hawa tapaunkapa kayarka, chayka 2011 watapi karka, San Lorenzo y Eloy Alfaro llaktapi kawsak runakunapak hayñita ukllankapa karka.
Kay Biodiversidad tantarimanta shamuk kamahiy killkakkuna, karumanta René Ortiz, Ministro de Recursos Naturales no Renovables kamachik rimashkata uyarka, payka chukipi kamachiywan mana arinishkawan llankashkata willarka, chay llakikunata, wakllirishkakunata killkankapa arinirka.
Chay, Juan Carlos Ochoa, Recursos Naturales no Renovables, Kipa hatun kamachikka, chukita surkushpa, sachakunata wakllichishpa llakichikkunata wanachinka zirmapi killkashkakunata kutintak mashkana nirka. 2021 watapi wakllirishkakunata chay Banco Interamericano de Desarrollo kullkiwasimanta, Banco Mundial kullkiwasimanta kullkita mañashpa allichina nirka.
Chay Patronato provincial de Acción Social de Sucumbíos kamaywasiwan; chay Instituto de Atención prioritara Sumak Kausay del GAD de Napo kamaywasiwan; Pastaza markapak Mera kitimanta, Patronato de Amparo Social wasiwan; Gobierno Autónomo Descentralizado provincial de Zamora Chinchipe kamaywasiwan shuk yuyarita killkanata willarka.
JLVN/cz/jc-kichwa
